(國語)倪晨曦大腹便便出席活動 笑言工作可保持好心情

(國語)倪晨曦大腹便便出席活動 笑言工作可保持好心情

倪晨曦解構收起孕肚之謎 爆意外懷第三胎非刻意追女

兩位待產媽咪 倪晨曦 同 李藹璣 以及靚媽 林嘉欣 樂基兒 一同現身品牌宣傳活動,Elva日前Fit爆亮相巴黎時裝周,點知相隔十日後,忽然喺17號於社交平台宣佈自己懷有第3胎喜訊,網民對Elva點樣收埋個孕肚感到非常好奇,Elva就親自解釋:「你哋睇我今日著成點就知點樣收埋,要下身鬆少少。去時裝周時係冬天,我揀啲外套遮腰,成日拎住手袋遮肚,叫做可以過關啦。」

育有兩子嘅Elva又透露今次懷第3胎純屬意外,並非刻意追女,自己得知消息後都要用一段時間消化,但始終係上天賜予嘅禮物。不過Elva到現時仍未知道BB性別:「Po完相個個都話我追女,其實已經有結果喺屋企,我叫醫生畀咗封信我,但我未有勇氣開住,可能下個月先。」

林奕匡(Phil)太太Rikko現時懷孕四個月,雖然係陀第一胎,但佢話自己係工作狂,只要能夠keep住狀態,能力做到都會繼續做,所以未有咁快休息放產假。至於鍾意仔定女?Phil話以前會想生仔先,但其實生女都好好,Rikko更大爆:「老公家族有20個小朋友,18個係仔,我依家為女打氣。」

喺活動上林嘉欣戴住百幾卡嘅名貴寶石頸鏈出場,閃爆全場,作為兩女之母嘅嘉欣話有特別任務在身,今個復活節假期唔得閒陪小朋友出埠遊玩,要集中火力睇電影,為香港國際電影節任評審做好準備,籍此了解新晉導演嘅作品同故事。

長居印尼嘅Galie專登返香港出席活動,囝囝因為要返學未能同行,去年宣布同圈外老公Ian離婚後,大家都好關心Galie嘅感情狀況,不過Galie就似乎唔太着急,透露雖然有好多朋友介紹對象,但暫時未有進展。

 相關推薦

熱門搜尋