《燈火闌珊》入圍東京電影節競賽 蔡思韵周漢寧將現身東京首映

《燈火闌珊》入圍東京電影節競賽 蔡思韵周漢寧將現身東京首映

張艾嘉相隔21年再度參與嘅港產電影《燈火闌珊》,繼早前成為香港亞洲電影節閉幕電影,張艾嘉亦憑當中演出入圍金馬影后之後,早喺9月新片亦成為唯一入選今屆東京電影節競賽單元「亞洲未來」競賽單元嘅港片,新片仲將會喺東京進行全球首映呀。

《燈火闌珊》故事主要圍繞香港獨具一格嘅標誌性霓虹燈招牌,隨住遊客眼中一大特色逐漸被拆除,抄演張艾嘉女兒嘅蔡思韵Ceci講到:「霓虹燈喺香港開始式微,不過呢個係超美好亦係好多代人嘅回憶,希望可以透過呢部戲將霓虹燈嘅美同光芒呈現俾觀眾,並將佢封存喺電影當中。非常開心呢套電影可以去到其他地方,例如日本,能夠去東京電影節相當開心,亦非常樂意將香港靚嘅特色同大家分享。」

喺戲中作為霓虹燈學徒嘅周漢寧同樣有好深感受,佢話:「拍攝前有一個月跟霓虹燈師傅學習製作技巧,一開始好驚,因為有啲動作要『過火』,所以做極都做唔好。下定決心去做好後比起之前順手,不過師傅笑指做起來似樣,但係真係得個樣。經過今次近距離接觸後,覺得呢種工匠精神相當值得敬佩。」

對於有份演出嘅電影入圍競賽單元,Henick首次到外國工作加上久未離開香港,難怪佢話既興奮又緊張喇。而Ceci同樣表示超級開心,佢話:「當然會好好準備行紅地氈,不過最希望抽時間出去食飯,難得可以去日本,希望回港前一晚可以去飲少少酒,開心吓。」

湯洛雯余安安張智霖群星睇藝術展 余詩曼被野生捕獲任影唔嬲

香港國際藝壇兩大盛事Art Central及Art Basel香港2024(巴塞爾藝術展香港展會)喺3月28號至31號舉行,作為藝壇展會最大重頭戲,吸引唔少名人觀展,包括林青霞、甘比、佘詩曼、張可頤、張智霖、袁詠儀、顧紀筠、湯洛雯、任達華、琦琦、任晴佳、梁芷珮、楊秀惠、楊張新悅、廖碧兒、富豪洪永時、翁嘉穗等。
 
貴為三料視后嘅阿佘雖然低調現身展場,但阿佘嘅女王氣場實在魅力沒法擋。

貴為三料視后嘅阿佘雖然低調現身展場,但阿佘嘅女王氣場實在魅力沒法擋,一現身就已經造成現場哄動,而佢亦展現親切一面任影唔嬲。同樣被野生捕獲嘅仲有Chilam同靚靚及青霞姐姐。雖然青霞姐姐打扮樸素,之但係佢手上嘅巨型鑽戒就非常奪目。


湯洛雯升呢做馬太,呢日單拖睇展朝聖。

至於觀展女藝人亦趁機大騷名袋,就連單拖睇展嘅靚湯都罕有曬出價值12萬嘅Hermès薄荷綠手袋。不過喺芸芸女星之中,顧紀筠嘅Hermès Kelly 32黑白拼色鱷魚皮手袋最為高貴,估計要40萬。
 
當初「至八會」會員突然愛上畫畫,其實全因藝術氣質濃厚的顧紀筠帶起。

至於參展名人就包括張艾嘉兒子王令塵(Oscar Wang)、TVB高層樂易玲兩位公子Adrian、Ryan等。樂小姐兩位公子今年再度參展,同樣吸引咗唔少藝人前往打卡,包括余安安、陳煒、時裝設計師何國鉦、鄧伊婷、宋宛穎、陳曉華、譚嘉儀、莊思明、郭柏妍、丁子朗、曾比特等。Oscar得到超模老婆游天翼帶家人捧場,就連96歲婆婆亦坐住輪椅親身到場為孫仔撐場,Oscar有喺社交平台開心分享同家人嘅溫馨合照。
張艾嘉兒子王令塵(Oscar Wang)係一位跨界藝術家。

樂易玲兩子亦有份參展,獲不少圈中人撐場。

林青霞一向支持藝術,熱愛寫作及畫畫,近年更常主動拜訪多位著名藝術家作交流。TVB高層樂易玲的長子Adrian和幼子Ryan今年再度參展Art Central,余安安有到場支持。

張新悅一向重視培養孩子們對藝術的興趣。廖碧兒都有現身巴塞爾藝術展香港展會大劉劉鑾雄曾講過甘比投資藝術品大賺200億。張可頤同樣喜愛藝術,早年開始學習基本技巧,仲會讀藝術史來提升賞畫能力,令自己眼界大開。張智霖眼光獨到,收藏名畫作投資至今「業績」未錄得任何虧損。

 相關推薦

熱門搜尋