《明日戰記》同《飯戲攻心》兩部電影可以話為近年低迷嘅氣氛帶嚟絲絲溫暖,兩部戲紀錄破完又破,上映期間雙方演員都非常勤力出動向觀眾謝謝票,證明製作高質素電影依然有本地觀眾支持。
呢日兩部戲嘅演員又分頭出動喇,而日前52歲生日嘅古天樂,仲獲工作人員送上蛋糕為佢同月底生日嘅姜皓文慶祝,古仔仲話希望可以衝破1億票房呀。日前收到小觀眾親筆信嘅佢,仲話估唔到有咁多小觀眾喜歡呀。古仔又話有向唔少學校舉辦慈善場,招待低收入家庭同小朋友。
至於黃子華主演嘅《飯戲攻心》票房迫近7千萬成為史上第2位最高票房電影,呢日佢就話以製作費最經濟而效益最高嘅第一位喇,仲話用心製作就乜都有可能,仲話希望可以打低《明日戰記》呀。
女主角們先有Stephy泳裝賀破紀錄,而王菀之同林明禎加埋Stephy,對唔少觀眾希望開拍續集就一樣話非常期待再次合作喇。
登入後即可查看我的收藏
登入後即可查看瀏覽記錄