才藝表演節目《全城一叮》現正熱播中,每集藝員同事嘅表演都令到評判伍詠薇同主持馮盈盈喪失表情管理能力,個個睇到嘩嘩聲。呢晚伍詠薇出席朋友嘅生日party,就話自己喺節目入面嘅表情同反應,絕非戲劇效果,全部都係真實反應嚟,伍詠薇仲話好多公司同事都非池中物,呼籲一眾監製要畀多啲機會大家呀!
而喺節目入面落敗咗畀林子超嘅黃建東,就話自己係雖敗猶榮,佢仲話因為想挑戰一下自己,所以先唔演出自己擅長嘅彈鋼琴同Rap,而係挑戰扮唔同國家嘅人唱歌。向來熱心助人嘅東東,日前喺社交平台出post搵車cam,原來嗰晚東東遇到幾位單車手畀架車hit and run,當中兩位單車手更加係受傷倒地,所以東東就幫佢哋上網呼籲,睇下有冇網民見到事發經過,又喺現場陪佢哋等到白車到場先離開。
登入後即可查看我的收藏
登入後即可查看瀏覽記錄