與周勵淇驚喜現身東東個唱 小方台上自爆曾愛上對方

陳曉東相隔3年再喺香港舉行演唱會，呢日嘅戶外個唱雖然一開始時落住毛毛雨，但依然無損fans嘅熱情。呢晚除咗有DJ King喺台上打碟之外，演唱會尾聲嘅時候，仲有兩位特別嘉賓方力申、周勵淇，同東東喺台上合體唱出《兩男一女》，令樂迷都高呼當年追網劇嘅回憶返晒嚟。

合體唱完歌之後，小方就無台上講返當年拍劇嘅點滴，佢仲自爆當年拍完套劇之後曾經沉船鍾意咗周勵淇，點知東東都同時爆料，話自己當時都同樣鍾意咗周勵淇，只係當時冇公開咁講出口，小方聽到即刻質疑對方，仲問東東當年既然係鍾意周勵淇，咁點解東東係用法拉利載自己而唔係對方，東東即時回應話：「我載你走等你唔使煩住佢。」引起全場大笑。

騷後東東接受訪問，就話自己一直冇同小方、周勵淇聯絡，仲話好感激兩位答應做嘉賓，因為《百分百感覺》係大家嘅集體回憶，不過講到佢哋呢個組個仲爭李彩華先齊人，東東話自己冇搵過對方，但唔知Rain係咪轉咗電話號碼，所以聯絡唔到對方，唯有寄望下一次。

喺演唱會尾聲東東講到眼濕濕，問到佢當時心入面諗緊咩？佢顯得有戰尷尬咁話因為自己已經有一段時間冇開演唱會，覺得今次知騷係得嚟不易，所以想同一直支持自己嘅fans訴說心底話。至訴問到演唱會係咪會有part 2 ，東東就承認入咗紙，但係就未知成唔成功呀！