翡翠台上周（10月17號至 23號）黃金時段劇集全線上升，收視超逾20點。《愛•回家之開心速遞》成為高收視領頭羊，跨平台直播收視最高24.2點（157萬觀眾），接住就係首周播出，由林敏驄、江美儀主演嘅台慶劇《下流上車族》，最高收視23.9點（155萬觀衆），勁升4.1點，增加超過27萬觀眾收看。

家寶話移民係為咗下一代，要狗唔要媽，講出移民家庭矛盾。

另一部台慶劇 《美麗戰場》劇情進入白熱化，隨着「反骨琪」蔣家旻被李成昌強姦一幕成為話題，刺激收視最高達20.7點（134萬觀眾），上升1.6點。

反骨琪害人終害己，自己中計被迷暈成為咗威爺嘅獵物。

緊接播出台慶綜藝節目《答得快 好世界》同《全城一叮》.，最高收視分別為16.2點（105萬觀眾）及14.8點（96萬觀眾）。至於《東張西望》收視持續強勁，最高收視25.4點（165萬觀眾），升0.3點，繼續成為上周收視冠軍。

周六特備節目《星光熠熠耀保良》，最高收視17.2點（112萬觀眾）。前晚（23日）獎門人曾志偉掌舵嘅《開心無敵獎門人》最高收視24.4點（159萬觀眾），上升0.8點，仲有李思捷主持《思家大戰》最高收視21.5點（140萬觀眾）同《我們的主題曲》，最高收視15.5點（101萬觀眾）。

2022大事回顧【影視篇】丨港產片下半年發威 多齣電影屢破佳績 TVB綜藝 劇集成績驕人

2022香港電影業走過高山低谷，港產片再次展翅騰飛，年頭雖然多套賀歲片而押後到中秋檔上映，但隨住防疫措施放寛，下半年推出嘅多套港產片，都得到觀眾大力支持，實行「自己電影自己撐」，令多套電影都票房口碑雙豐收。當中古天樂第兼監製同主演、香港首部科幻電影《明日戰記》，票房更加係屢創新高，成為香港電影史產首部衝破8千萬港元票房嘅亞洲電影，更打入香港電影史上最高票房20強，成績相當驕人。至於黃子華、鄧麗欣等主演嘅喜劇電影《飯戲攻心》，亦成為香港史上第一部票房破7千萬港元嘅港產喜劇。

另一邊廂踏入55周年嘅TVB，喺今年繼續出產多齣高質戲劇周綜藝，無論係古裝喜劇《痞子殿下》定係顯露人性、上流社會爭鬥嘅時裝劇《美麗戰場》，都帶起追劇潮。不過講到最勁嘅，當然係林敏驄嘅處男作《下流上車族》，由於題材貼地中晒升斗市民嘅心聲，所以吸引咗唔少人過自看，全劇最高收視去到27.3，有成177萬人追看。

至於綜藝方面，TVB強勢推出為中年人圓夢嘅《中年樂聲音》，首日就已經吸引咗3千多人面試，熱血又勵志。經典綜藝《獎門人》亦再譽歸來，為觀眾大放笑彈。另外資訊性節目《東張西望》收視亦一度突破30點！