港女野人丨陳若思攀繩落崖跣腳受傷 廖慧儀崖下睇到喊

港女野人丨陳若思攀繩落崖跣腳受傷 廖慧儀崖下睇到喊

J2行山真人騷《港女野人》搵嚟4名港姐出身嘅J2ers何泳芍(Honey)、陳若思(Amber)、廖慧儀(Jessica)及胡美貽(Nicole)挑戰港九新界不同難度系數的山野,大玩水上極限運動,實行上山下海樣樣齊。

4位港女最尾兩集接受前所未有挑戰。
噚晚(27日)4位港女野人齊集,上演港版《叢林的法則》,被山藝達人達Sir送去荒島,準備2日1夜野外求生,亦係《港女野人》終結篇。

Honey同Nicole試玩風箏滑浪。
由出發開始,4女要求各人用手上嘅繩、水筒等物資,喺半小時內紮一艘木伐去荒島。4位野人發揮「港女」強項準備「撒賴」,達Sir口硬心軟,喺砌船過程一直在旁指點。

山藝達人達Sir再出場,4位港女聽到要被送去荒島,即刻撒嬌賣萌。4名港女要用身後物資,砌出一艘木伐。幾經辛苦砌出的木伐出海,就遭遇危機。

幾經波折去到荒島,達Sir講出求生時「三的定律」,包括3秒內維持正向思維(PMA)、三分鐘內維持正常呼吸、三小時內尋找緊急遮蔽物保温等,到搭營嗰陣,佢哋手忙腳亂,最後要達Sir不斷提示才勉強完成。

到達荒島達Sir教4位港女「三的定律」。各人起營準備在荒山度宿。經過一小時行程,眾人到達赤崖,她們要挑戰身後的瀑布攀爬上山。

今晚(28日)播出最終章,4位港女野人喺野外露營一覺瞓醒,被安排「打大佬」,挑戰最高難度,經過1粒鐘行程去到赤崖,接受最後一個挑戰攀崖,率先登場係Amber ,上山嗰陣完全冇問題,不過上山容易落山難,突然落雨,令到崖間更加濕滑,意外因此發生。

一名工作人員跣低,連帶Amber亦跌低擦傷手。
喺Amber 尖叫聲下,見佢急速滑落,導致左手擦損,驚魂甫定後Amber 顯得失去信心,最後達Sir陪佢一齊游繩落山,可惜好景不常,意外再次發生,Amber一下跣腳頓時失去重心,隨住尖叫聲整個人向山邊撞去。
好在達 Sir用身體擋喺中間以生命硬接,避免Amber受更大傷害,山下嘅其餘3位港女野人睇到目定口呆,Jessica更眼濕濕,原來緊接上山嘅Jessica受衝擊太大,先由Honey 及Nicole 頂上,到Jessica壓軸登場,估唔到平常以力嘅表演見稱,行咗兩步已猛叫「好驚好驚」,忍唔住喊出來,最後喺眾多隊友鼓勵及工作人員幫助下,最終完成任務。

達Sir指導各人繫上爬山繩,Amber成為第一位爬上山的挑戰者。達Sir陪住Amber落山,Amber跣腳差點撞向山。達Sir用身體硬接,Amber擁抱達Sir表示感激。山下隊友看到膽顫心驚,Jessica睇到眼濕濕。
Amber事後話喺上面一直好驚︰「擔心屋企人見我唔到,我唔想做啲咁危險嘅嘢。但係我會盡量嘗試。」Amber上去嗰陣冇落雨,落去時先落,當時條繩連住3個人,有個工作人員跣腳跌到,連帶Amber都跌到,隻手係嗰時受傷。到爬落去時我又跣腳,由右邊揈咗去左邊,嗰時擦損隻腳。

Nicole游繩落山時雙腳被擦損︰「冇諗過當日天氣咁糟糕,因為頭一日紮木伐天氣好好,太陽好大,所以出門帶短褲同防水衫,冇諗過攀瀑布時會咁濕同大雨,所以冇帶長衫長褲,膝頭撼落石時損晒,因為隻腳抓唔實,防跣鞋都冇用。不過損嗰一刻係唔知,落去至知。」最後眾港女野人喺有驚無險下順利完成任務,獲達Sir頒發山系證書,臨尾導演玩「大整蠱」,要佢哋讀出喺拍攝第一日寫嘅信,各人表現好尷尬。想知道各港女野人寫咗啲咩,留意今晚《港女野人》終結篇!

4位港女野人最終任務達成,(左起)Honey、 Amber、Nicole、Jessica獲達Sir頒發證書。
《港女野人》周一至五晚 10 點半 J2(82 台)播映

胡美貽踏入三十 「港女野人」閨密們送驚喜亞馬遜爬樹蛋糕為壽星女慶生

J2er索女胡美貽(Nicole)踏入30歲,當然慶祝活動一籮籮,日前獲幾位《港女野人》美女成員廖慧儀、陳若思,連同好姊妹黃嘉雯坐陣,大搞驚喜生日會。眼見社交平台的新相所見,又有造型蛋糕、又有特色小吃,當然不少得派對必備的汽球和鮮花,逗得壽星女Nicole非常開心。

Nicole接受其他傳媒訪問時表示:「我哋都係喺屋企搞,一齊食吓嘢咁,黃嘉雯仲送咗紮花畀我,特別整咗個蛋糕畀我,話係照住我喺亞馬遜爬樹嗰幕嚟整,我好鍾意,覺得好得意。」黃嘉雯亦指:「我同Nicole係一齊拍節目認識,平時喺J2聚會都成日見,我哋前晚喺朋友屋企搞Party,佢哋整咗啲homemade taco同佢慶祝生日,我都係第一次食,好有創意!」

圖片來源:網上IG

幾位《港女野人》美女成員廖慧儀、陳若思,連同好姊妹黃嘉雯坐陣,大搞驚喜生日會亞馬遜爬樹蛋糕為壽星女慶生派對必備的汽球和鮮花《港女野人》美女成員廖慧儀、陳若思,連同好姊妹黃嘉雯

 相關推薦

熱門搜尋