(國語)馮允謙明年計劃開紅館個唱 期待至親女友現身捧場

(國語)馮允謙明年計劃開紅館個唱 期待至親女友現身捧場

雲浩影為新碟舉辦試聽會 Fans逼爆現場唱到眼濕濕

雲浩影 嘅新專輯《INTRODUCTION to PAIN》3月28號就正式面世,Cloud於串流平台節目為買飛入場嘅Fans現場演繹新歌,佢先以《自發性神經反應》揭開序幕,之後又唱出歌詞較沉重嘅《無以名狀的痛》,仲話幾乎被熱情Fans影而響跟住喊。當唱完《放下放不下》結果就失守感動到眼濕濕。又話:「經歷咗好多嘢,我真係唔確定再錄一次,係咪可以去返嗰個嘅我。美好嘅事情無得重複,有啲美好放喺心入面就夠。」

Cloud為聽日推出嘅新碟舉行試聽會

呢日佢又邀請唱片監製兼作曲人 蘇道哲 填詞人 林寶 ,仲有負責唱片設計同MV導演 麥曦茵 分享合作趣事。之後更Encore演唱未公開嘅作品《慢性分手》同林家謙舊作《記得》,最後逐一同全場Fans合照留念。
Cloud演出時仲一度感觸到眼濕濕


Cloud為呢次活動特別設計「心碎版」限定簽名專輯,佢話:「希望收到今次簽名嘅Fans以後唔會心碎,又或者可以陪伴大家心碎。」而封套外嘅繩結原來隱喻「心結」嘅意思,佢又提到之後嘅工作計劃:「希望可以唱出大家嘅故事,亦希望喺舞台上更上一層樓,俾大家睇到唔同嘅雲浩影。今次唱片比較多唔開心嘅歌,之後會以其他形式去展現自己。」

Cloudr呢日專輯嘅幕後功臣分享製作小故事

至於一度感觸到眼濕濕,Cloud就指綵排時已經非常感動:「因為做呢張唱片唔容易,參與咗一啲唱片嘅構思,真正感受到BB出世。做上一張唱片時自己仲係一個妹豬,唔知發生咩事,大家引領我走,今次唱片我真真切切感受到屬於我嘅唱片,見到呢個場好開心,而且望到我以前住嘅屋企,係一個緣份。然後見到啲Fans,我記得佢哋嘅樣,有啲認識好耐,亦有啲新臉孔,見到Fans佢哋好感觸,自己都好感觸。」

 相關推薦

熱門搜尋