CP訓練營| 7+1俊男靚女節目「扮CP」 素人Model演員戲假變情真?

CP訓練營| 7+1俊男靚女節目「扮CP」 素人Model演員戲假變情真?

「感情可以培養」聽就聽得多,咁到底點培養?「戲假」又係咪真係會「情真」?到底係完全唔認識嘅情況下演感情戲舒服啲,定係識落冇Feel又要扮有 Feel 辛苦啲呢?

星期一首播嘅戀愛真人騷《CP訓練營》當中,7+1嚟自不同界別、互不相識嘅俊男美女演員、模特兒、運動員同素人,將會喺 賴慰玲 帶領下,透過一連串戲劇訓練、日常相處同男女共宿等,發展疑幻似真嘅愛情,爭取成為最佳CP。 


呢班7+1受訓者將透過呢次「CP訓練營」嘅真實體驗話畀大家知。以「隨時戲假情真」為招徠嘅《CP訓練營》早前釋出一系列宣傳預告,喺已經公開嘅受訓者個人Profile當中,「純純兔」Eileen同「第四代邦民女」Gillian都曾經有唔太愉快嘅戀愛經歷,前者曾遇上郁手「大話男」,後者就撞正「偷跳男」。

樣子乖巧甜美嘅「素人」Eileen,氣質純樸又清純,現年25歲嘅佢,初戀就不幸遇上暴躁男,對方因為種種原因唔止一次對佢動粗又講大話,一心相信男友會改過嘅Eileen, 經歷三年嘅等待同忍耐終忍無可忍決定分手,難得係佢依然保持樂觀,仲相信更好嘅另一半喺將來等待。

而曾喺綜藝節目中自爆係「大叔控」、又曾自揭親密行為次數嘅Gillian,雖然好似好開放,不過顏值高兼性格爽直嘅佢,只係有五次戀愛經驗,仲曾遇上「偷跳男」。對外界對佢嘅豪放標籤,Gillian選擇豁達面對,一心喺《CP訓練營》尋找「愛心男」嘅佢,仲有信心外界喺節目播出後,會對自己有唔同睇法:「外界覺得我係雞我畀人包,但識落就知我唔係。」

為咗增加刺激同戲劇感,《CP訓練營》將安排戲劇排演、二人約會、水上活動、沙灘漫步同瑜伽鍛鍊等唔同活動,增加各人日久生情嘅機會。製作組亦會定時安排「好感度投票」, 根據投票結果同特定任務賽果「撈亂鴛鴦」,無論「兩情相悅」定係「互相討厭」,都有機會 隨時被「拆散」或「強行撮合」。除咗會見證一對對疑幻似真CP由零開始建立默契,仲可以一齊直擊受訓者點樣捲入爭風呷醋漩渦,所有細節裏嘅魔鬼一定令觀眾睇得心癢癢。

不正常愛情研究所丨Koba文頌男化療無效腫瘤變大 感覺開始活得好冇尊嚴

Koba文頌男舊年年尾喺社交平台公開有個惡性腫瘤喺自己嘅椎間近盤骨附近嘅位置,之後要接受第一階段治療。Koba喺3月27號分享病況,佢話做咗五次化療,治療無效,照咗磁力共振,發現個腫瘤仲變大咗少少。直認感覺好無奈嘅Koba指聽到醫生講「個治療冇乜效果、個腫瘤仲要大咗少少,最後一次化療都唔好做喇,準備做電療啦。」嘅時候,心情好似跌咗落深淵。佢真係好驚,感覺距離死亡又近咗一步,而且可能唔係死咁簡單,係會死得好痛苦,因為下肢 、盤骨附近嘅位置係越嚟越痛,痛到開始連嗎啡都冇辦法舒緩到,身體仲會不自覺抽搐,有啲身體部位已經變得麻木,排泄方面都開始出現好多問題(呢部分太羞恥都唔想講太多),我開始有種感覺係「我活得好冇尊嚴」,因為行動不便、痛,每日都係喺屋企對住四埲牆,幾乎零社交、零工作,每日都活得好似好無意義咁。

今晚(28 日)終極篇 7 位主持齊集。

Koba再指自己由細到大都遇到唔同難關同挑戰,就算每次嘅挑戰都越嚟越困難,佢都靠自己一一跨越過,但個天就好似好想佢死咁,唔肯放過佢,唔想畀佢輕鬆。佢又講到就算自己想放棄,但其實根本唔知可以點放棄。因為未死嘅話,佢都只能夠選擇堅持。依家每日都痛、非常痛,無一刻唔痛,每日度日如年,佢亦唔知幾時可以開始電療、幾時先可以舒緩到嘅痛楚,只係盼望可以快啲唔痛。Koba話真係覺得好攰、好攰、真係好攰。

Susuca 想起 Koba 的病況,忍不住喊起來。

Koba亦講到好多癌症病人即使表現得有幾堅強、幾樂觀都好,都會有佢以上類似嘅諗法。但會咁樣諗唔代表佢放棄,Koba話自己仍然好努力對抗呢個病,即使幾唔想食嘢,都逼自己食;即使幾痛都好,都逼自己要郁吓,唔好畀啲肌肉退化得咁勁。佢仍然好熱愛自己嘅拍攝、演出工作。好希望有一日可以康復、行動自如,可以繼續返呢啲工作。

Jojo 祝願 Koba 做到 1,200 集

Koba有份主持嘅《不正常愛情研究所》喺今晚(28號)播出第91集,7位主持濟濟一堂講出做主持嘅感受之餘,喺節目中終極互數對方。《聲夢傳奇2》出身嘅Kim係最後期加入節目嘅主持,佢誇口雖然半途出家,但一直「驚都未驚過」。此話一出即時惹嚟其餘6位主持反擊,有片有真相被翻「黑材料」,回帶片段中見到Kim第一次擔任主持一職時,唔單只講嘢口震震,雙手又顯出非常不安。喺避無可避之下Kim即刻認輸,兼轉風向話︰「係驚嘅,但當時好努力跟住Doniven個flow。」

Doniven、Gillian 以「有故事的人」身份加入成為主持。

呢集每位主持言行都去到好盡,Gillian收到嘅短訊仲露骨「你好靚,真係好靚,靚就贏咗。最記得係Doniven話要食你嘅臭鮑魚……」。原來係出自Kim嘅手筆,佢解釋「臭鮑魚」係指Gillian下廚煮畀大家食嘅鮑魚有臭味。

在「棉花糖女孩」一集製作組為各主持 P 了一輯肥仔肥妹相。

除咗「爆料」,呢集亦有令人感動嘅情景,Susuca同Jojo分別為患病嘅Koba送上祝福,Susuca講到對Koba嘅印象時話「初初識你嗰個月開廠就傾偈,知你又拍拖又分手。有日見到你腰痛不停問你咩事,後來你公布患病消息,咁細個就要經歷咁多嘢,加油快啲好返,做你想做嘅事。」接住佢喺節目中哭成淚人,調轉番要Koba安慰。

Karen 及 Jojo 被翻出中學時期的黑材料。

《不正常愛情研究所》逢周四晚10點J2 (82台)播映

 相關推薦

熱門搜尋