黃金盛宴丨新婚陳煒下廚不忘放閃 林盛斌被爆身家幾億美金?

黃金盛宴丨新婚陳煒下廚不忘放閃 林盛斌被爆身家幾億美金?

馬浚偉主理一連9集嘅TVB台慶大型廚藝節目《黃金盛宴》,聯同9大星廚李家鼎(鼎爺)、肥媽(Maria Cordero)、黎諾懿、陳煒、Jacques Kagi(祈積奇)、黃亞保(保哥)、三姐蕭秀香、《煮戰》總冠軍行政總廚級人馬譚以健及Amanda S.,協力打造黃金盛宴款待歷年一眾飲食節目VVIP。

本集登場「星廚」有陳煒、肥媽及Jacques,「星級嘉賓」是Lisa和黎芷珊,還有主理人馬浚偉。
本周第四、五集登場嘅「星廚」肥媽、陳煒、Jacques、鼎爺及黎諾懿,「星級嘉賓」邀得2020年港姐冠軍謝嘉怡(Lisa)、黎芷珊、林盛斌(Bob)及糖妹,兩集主題均為「主菜」,主要食材分別係家禽同海鮮。
肥媽煮的「貴族黃油雞」好食到大家搶住食,主題為「主菜(家禽)」。
今晚(31日)播出第4集,肥媽、煒哥及Jacques合力炮製「貴族黃油雞」、「橙鴨飄香」、「打開雲霧見燒雞」等菜式,煒哥特地拜訪隱世法國菜名廚,學整肉嫩多汁嘅「慢煮法式香橙鴨胸」,更公開整鴨胸黃金脆皮及3小時煉成香濃橙油秘訣。

肥媽煮嘢食都煮得生鬼過人。

煒哥又即場烹煮菜式展示拜師學藝成績,9月升呢人妻嘅煒哥不自覺放閃,笑言煮乜老公都鍾意食,肥媽聞言即忍唔住爆料指婚宴上煒哥老公全程望實愛妻,搞到煒哥一秒怕醜!
肥媽指陳煒老公於結婚當日全程望實愛妻,陳煒聞言即顯得好怕醜。

本集更有增設「中文教室」,喺蘇格蘭長大嘅謝嘉怡被考中文,謝嘉怡自創新詞「Skeleton of個鴨」,鬧出不少笑話,馬浚偉大爆謝嘉怡當年上藝訓班時乖巧又勤力,下課請教演技之餘仲記得講「唔該校長」。
Lisa努力用中文講出食評,獲馬浚偉大讚努力。
聽晚(1日)播出一集,鼎爺向龍袍酒家負責人黃永幟(幟哥)學煮「麒麟生死戀龍躉球」,鼎爺再改良食譜,與黎諾懿合力炮製出新菜式「麒麟龍躉」,其餘菜式有「藤椒酸菜東星斑」、「茅台虎蝦」等。鼎爺獲Bob封為「片神」,鼎爺大顯刀功之餘,又分享炸蝦小撇步。

鼎爺話炸蝦前最好剪掉蝦眼。
由於Bob同糖妹表現幽默,馬浚偉亦玩埋一份瘋狂搞爛Gag,最終竟爛到Bob也頂唔順:「你醒吓啦!唔好祥師兄(阮兆祥)上身呀!」佢哋傾吓傾吓,Bob忽然被爆身家至少數億美金,場面爆笑!

黎諾懿Chok爆灑花瓣。鼎爺和諾懿合力炮製多道菜式。鼎爺向龍袍酒家負責人幟哥請教煮「麒麟生死戀龍躉球」。
本集登場「星廚」有鼎爺和黎諾懿,「星級嘉賓」是糖妹和Bob,還有主理人馬浚偉。

今集馬浚偉受嘉賓感染狂搞爛Gag,連Bob都頂唔順。

《黃金盛宴》逢周一至三晚10點半翡翠台播映

薛家燕獲電台同事賀74歲大壽 生日願望心急兩女兒有著落

今個月底30號就係 薛家燕 74歲大壽,家燕姐向來人緣廣,呢日佢返電台開咪時,一眾同事就搞咗個小派對為佢提早慶生,仲獲得多位高層親臨祝賀,大家唔止送上鮮花同手製蛋糕,仲送上印有家燕姐肖像嘅4張J字啤牌,寓意家燕姐得到一手好牌,得心應手,氹得家燕姐又開心又感動。

家燕姐感激同事送上嘅心意,特別係 馬浚偉 嘅悉心安排,令佢最感動係生日卡上收集咗所有同事嘅簽名,佢會將呢張卡好好保存。家燕姐話每年電台都會為佢舉行大型生日會,延開幾十圍好熱鬧,但礙於今年工作密麻麻,決定延遲到五月初才舉行生日會,屆時仲會同天下母親一齊預祝埋母親節。

至於正日生日,家燕姐就會同屋企人出埠到韓國度假,生日願望係「香港經濟復甦,人人有工開,最緊要身體健康,可以享受人生。」另一個生日願望家燕姐就好着緊兩個女兒嘅感情狀況,坦言希望有好消息。一直流傳家燕姐有位Honey喺身邊,講到今次韓國之旅會唔會與Honey同行?家燕姐就好搞笑話:「唔知道,等阿女安排,睇吓邊個Honey鍾意食韓國嘢啦。」

 相關推薦

熱門搜尋