《CP訓練營》首播學員齊聚 男女同宿爭成最佳CP

戀愛真人騷《CP訓練營》日前正式首播，一班靚仔靚女會喺 賴慰玲 指導之下學習演戲，仲會一齊住爭進感情，爭奪成為最佳CP。呢日佢哋齊齊睇節目首播，演戲經驗豐富嘅Winki，就話一班參賽者要根據唔同劇本演出，不過呢班年青人分組期間一樣有唔少「情節」，身處局外嘅佢就食咗唔少花生喇。

要同唔同拍檔扮演情侶，對部份學員嚟講就有少少困難又怕醜喇，其中 葉靖儀 就話因為涉及親熱情節，所以自己非常尷尬呀。而有男學員就坦白喺朝夕相對之下，難免戲假情真， 李爾晨 同 馮建晞 就話可能一個唔覺意戀上對手喇。

自稱A0嘅 蔡浩洋 就話節目令自己學識追女仔喇，佢同 黃潤祺 仲話有唔少收穫仲發現氹女仔開心一啲都唔簡單呀。