沈震軒透露與陳欣妍婚事不遠 陳敏之自薦做大妗姐

沈震軒透露與陳欣妍婚事不遠 陳敏之自薦做大妗姐

沈震軒近年主力喺內地發展,呢日現身陳敏之嘅影片頻道,陳敏之與沈震軒因拍劇而成為好友,二人演螢幕情侶形象深入民心,佢哋盼再合作拍劇。

陳敏之同沈震軒講起之前拍劇點滴,為咗演好感情戲,陳敏之帶住當時仲係新人嘅沈震軒落咗唔少工夫,陳敏之不時鼓勵:「同佢講『你要加油,你得嘅』,做好嗰個角色。」沈震軒回想覺得非常感動,嗰陣首次演重要嘅角色,身邊演員個個好勁,多得陳敏之照顧同幫佢入戲,建立出彼此友誼。

沈震軒讚陳敏之升呢做人母,現時越嚟越靚,陳敏之透露因為成個人開心,沈震軒表示:「我同君馨都好熟,佢哋全部都係結咗婚開心到,靚過同你拍劇嗰時,你哋同我拍劇嗰陣冇咁靚。」

沈震軒同女友陳欣妍拍拖約5年,感情穩定,呢日陳敏之落力「催婚」,更自薦做大妗姐,沈震軒指結婚計劃不遠。

陳家樂爆大肚Shiga遊日禁食眼濕濕 蔡潔讚胡定欣素顏不失美態

香港電影工作者總會2024年春茗晚宴呢晚喺尖沙咀舉行,古天樂、張繼聰、張國強、陳家樂、衛詩雅、胡定欣、樂易玲、蔡潔、吳業坤、廖子妤、葉童、張松枝、張同祖等到場。

古仔近日與網紅合作去泰國拍旅遊節目,佢希望了解年青人拍片摸式,更自爆戒儲玩具10年,玩具倉仍有保留;同場嘅衛詩雅早前被家燕姐誤認係連詩雅(Shiga),連番恭喜衛詩雅「有喜」,呢日佢與Shiga老公陳家樂合照時搞笑扮大肚。

陳家樂日前與太太Shiga快閃去日本旅行,家樂指陀住BB嘅Shiga要禁食生冷嘢,Shiga望住大家食飯時感到有啲失望兼眼濕濕;蔡潔同時拍緊兩部劇,雖然拍劇佔咗好多時間,不過佢仍然對拍戲有興趣,蔡潔大讚胡定欣喺電影《臨時劫案》素顏亦不失美態。

坤哥早前跟日籍太太浜口愛子慶祝結婚一周年,佢同老婆去擺酒嗰間酒店飲杯嘢回憶吓,佢笑指冇準備禮物,亦冇送歌畀太太,身邊蔡潔同定欣笑佢面對鏡頭應該有一啲表示!

熱門搜尋