任賢齊相隔10年再出歌 攀山涉水取景險患高山症

任賢齊相隔10年再推出新歌《在路上》,講述成熟男人嘅人生旅途,小齊同攝製隊遠赴雲南香格里拉同麗江等地拍MV,今次攀山涉水,更喺山嶺取景放煙霧,勾起小齊當年拍攝武俠片演「令狐沖」回憶,每次練功都要放好多煙霧。

小齊揸電單車喺草原及湖邊風馳電掣,仲去到一個深嘅峽谷取景,拍攝過程艱辛,小齊更出現高山反應,不過小齊覺得幾辛苦都係值得,更順道造訪當地嘅遊牧民族,有幸騎珍貴嘅白氂牛,小齊指騎過兩、三次白氂牛:「好多民族認為是聖牛,氂牛其實脾氣暴躁,只是被馴化,家裡面豢養,不然在野外看到,野生氂牛要離遠一點,脾氣暴躁的話,恐怕連車都會給牠頂翻。」

 相關推薦