全能司儀選拔2022丨蔡國威梁珈詠滿分成績晉級 黃建東被封「6樓𢲷撈王」好尷尬

全能司儀選拔2022丨蔡國威梁珈詠滿分成績晉級 黃建東被封「6樓𢲷撈王」好尷尬

無綫55周年全新綜藝節目浪接浪推出,噚晚起由鄭裕玲、林盛斌(阿Bob)及陸浩明主持嘅《全能司儀選拔大賽2022》,將一連兩星期逢周四及周五晚10點半翡翠台推出,五男五女參賽者(排名不分先後)吳天佑、黃耀英、蔡國威、鞏姿希、王鎮泉、吳紫韻、梁菁琳、黃頌明、黃建東及梁珈詠,將面臨一連串高難度挑戰,爭奪台慶夜兩大司儀席位。

噚晚首集播出第一考驗係「負評測試」,參賽者需要個別留喺一個類似密室嘅地方,面對50名幕後工作人員「負評Hashtag」,之後布幕一拉開,參賽者須即時應付現場50名觀眾面對面最赤裸最直接嘅評價,對應變能力及情商均係極大考驗。蔡國威及梁珈詠默默耕耘超過20年,獲現場觀眾一面倒支持,據知佢哋齊齊以「50個Likes」滿分成績晉身第二輪考驗。

蔡國威坦言當去到TVB乏人問津時,自然懷疑是否自己的問題。
蔡國威(威仔)面對幕後負面批評為「冇壓台感」、「輸身高」及「亞視味濃」等,現場即有觀眾為威仔打氣及平反,指「亞視味濃唔係問題」,「亞視好多好好嘅藝人都喺無綫」,全場觀眾最後大叫「威威加油」,令威仔一度感動至眼濕濕,威仔相當感觸:「TVB有咁多藝人,佢哋好多都好勁,如果畀到機會佢哋,佢哋可能會畀到驚喜你。」
威仔面對負評好似好好奇咁。蔡國威面對50名幕後工作人員「負評Hashtag」。而當佢見到咁多現場觀眾時,佢第一時間係好淡定咁打招呼。

壓軸出場嘅梁珈詠,坦言自己主持資歷較淺,並以「堅持論」打動現場觀眾,梁珈詠又喊又笑謂:「今次參加呢個比賽我都需要好大勇氣,我入咗行22年喇,我唔堅持我唔會企喺度。」
梁珈詠入行22年,參與劇集超過100部。梁珈詠樂觀面對負評。

梁珈詠堅持等待更好的機會。

至於黃建東雖然入行只有11年時間,但佢以30歲高齡入行,所以黃建東努力抓緊每個自薦機會,更因而獲封「6樓𢲷撈王」,黃建東眼濕濕地講:「通常啲人唔會好想用我,所以我好多時候坐咗喺屋企等。如果話我18歲入行,我唔介意坐喺屋企慢慢等,其實我好憎行上去(6樓),我覺得好尷尬,講真我一啲都唔好受,點解黃建東仲要咁樣呢,我真係好渣呀!我咁廢嘅點解?」
黃建東話咪見佢平時嘻嘻哈哈,其實佢都有自己嘅憂慮同煩惱。
黃建東入行時已經年紀唔細,所以唔可以坐喺屋企靜待機會。

黃建東經常要到六樓𢲷撈。

黃建東對於每次努力爭取機會,坦言很尷尬,並感到很自責。

噚晚節目除咗有刺激嘅「負評」部分,仲有唔少「洋蔥」位,梁珈詠,鞏姿希、黃頌明、吳天佑先後落淚哽咽。鞏姿希(Krystl)於2018年入圍港姐,喺主持阿Bob提問下,坦承今年年頭情緒病復發,並強忍淚水謂:「上年開始唔舒服,今年年頭我嘅抑鬱同驚恐症好明顯咁返咗嚟,我曾經好唔開心,每日起身喺度諗『點解我未死』。」鞏姿希面對「太過性感」、「有懶音」及「花瓶」等負評,鞏姿希選擇正面面對:「觀眾鼓勵你或者話你唔好都好,其實都係畀緊機會你進步。」
鞏姿希坦承年頭曾受情緒病困擾。鞏姿希面對「太過性感」、「有懶音」及「花瓶」等負評,選擇正面面對。鞏姿希於2018年入圍港姐。
2012年演藝學院畢業生黃頌明(小明),近年開始轉戰主持界,經常為TVB特賣場直播賣貨。雖然小明每次直播表現似足開心果,原來是有苦自己知,小明落淚謂:「其實我好掙扎,因為每次開直播,尤其係一開始嘅時候,有相當多嘅Haters攻擊我……每一個人都會想睇你嘅人喜歡自己,但我知道係唔可以要求每一個人都喜歡自己,我只可以為喜歡我嘅人繼續做得更好。」小明更大拋勵志Bite:「觀眾係殘酷,但觀眾亦都係誠實嘅。你唔可以要世界都喜歡你,但你有權做一個越嚟越好嘅人!」
黃頌明2012年演藝學院畢業生,近年開始轉戰主持界。黃頌明每次直播表現似足開心果,原來是有苦自己知。黃頌明每次直播面對好多Haters攻擊。「東張小背心」梁菁琳參選港姐之前係一名獸醫,曾參加《2021香港小姐競選》,可惜20強止步,落選後嘅佢加盟《東張西望》做主持。吳紫韻(Purple)主持《3日2夜》及《娛樂新聞台》為人認識,入行多年雖然還在上位階段,不過她卻是圈內公認的小富婆,靠投資名錶、手袋賺到不少額外收入。「泉叔」王鎮泉係無綫娛樂新聞台主播,畢業於浸大, 未入行前曾在playgroup擔任英文老師,偶然機會下加入TVB並擔任主持。

黃耀英(Darren)及李旻芳因TVB娛樂及資訊節目《東張西望》結緣,並於2019年拉埋天窗,被稱為「東張夫婦」。

吳天佑高大靚仔又後生。

《傳承‧狂歡55:全能司儀選拔大賽2022》逢周四、五晚10點半翡翠台播映

電影泉攻略丨《哥斯拉X金剛:新帝國》演員分享拍攝花絮 《功夫熊貓4》故事總監分享創作靈感

王鎮泉 Jeoffrey  每星期為你提供最熱辣電影資訊,中外猛片專訪花絮上映時間全部集齊。「電影泉攻略」每周四買定爆谷陪你睇新戲。 

新片《哥斯拉X金剛:新帝國》,哥斯拉同金剛呢個怪獸組合拍到第五集,佢哋唔再係死對頭,而係要聯手對抗未知嘅神秘強敵,泉叔亦同戲中演員Dan Stevens、Brian Tyree Henry、Rebecca Hall、Kaylee Hottle,以及導演Adam Wingard做咗專訪,分享拍攝呢套動作大片嘅幕後甘苦。 

本周新片有法國電影《分身走錯佬》,以及老少咸宜嘅新一集系列動畫《功夫熊貓4》,而本集嘅故事總監係土生土長嘅香港人Kelvin Tsang,除咗分享自己喺電影中負責嘅工作,仲同大家分享影響自己最深嘅港產片,佢透露自己受香港電影影響好深,所以對動作設計好有興趣,今次亦擺咗好多相關元素入電影中,希望大家會鍾意。 

過去一星期嘅票房龍虎榜方面,內地女星賈玲自導自演嘅《熱辣滾燙》,票房好似片名咁熱辣,而第二位係由兩代捉鬼敢死隊合力炮製嘅《捉鬼敢死隊:冰封魅來》,而票房冠軍就繼續係《沙丘瀚戰:第二章》。

 相關推薦

熱門搜尋