與陳樂榣由生意夥伴變情侶葉泓聲宣佈榮升做爸爸

myTV SUPER最新原創綜藝節目《潛・規則》於10月29號喺myTV Gold獨家首播，一共10集，逢星期六更新2集，首集在myTV SUPER開放免費試看，節目由myTV SUPER原創內容主管林肯出任監製，與導演謝松軒㩦手合作打造全新潛水節目，由Honey何泳芍、Aurora李君妍、Joyce魏韵芝、Gordon葉泓聲、Carlos古天祥主持，帶大家去香港潛水熱點尋幽探秘，及體驗職業潛水之辛酸。同你「認真玩，認真潛」，娛樂之餘又不失專業一面，並傳授正確潛水規則。

主持Carlos 古天祥、Joyce 魏韵芝、Honey 何泳芍、Aurora 李君妍、Gordon 葉泓聲接受全罩式面鏡（Full face mask）訓練。

呢次拍攝使用4K鏡頭，務求將海洋最美一面呈現給觀眾，並走訪多個香港潛水熱點，如半月灣天池、尖洲、果洲群島、火石洲、燕子岩等，五位主持仲會體驗當海洋公園水族館清潔員、潛水練及潛水嚮導、漁農處珊瑚普查員等職業潛水工種，讓大家感受興趣轉為職業嘅苦與樂。
Carlos 古天祥、Aurora 李君妍、Gordon 葉泓聲到海洋公園體驗當⽔族館清潔員。

節目請來本地潛水界知名嘉賓坐鎮，香港自由潛水紀錄保持者Chris Cheung、曾獲頒授榮譽勳章（Medal of Honour）嘅「鬼網殺手」Harry 陳天明，當中涉及到不少潛水知識及注意事項，玩樂與專業齊集，包你大開眼界！
Carlos 古天祥於海洋公園清洗大水缸，3位主持與鯊魚共舞。

首集請到香港自由潛水紀錄保持者Chris Cheung教 Carlos古天祥同Honey何泳芍自由潛水及水下獵魚技巧，Carlos只係初級潛水牌，有機會親身跟Chris學習自由潛水，令已經係潛水教練嘅Honey非常羨慕，兩人亦會接受Chris嘅指導，嘗試水下獵魚。
主持Carlos 古天祥、Joyce 魏韵芝、Honey 何泳芍、Gordon 葉泓聲回程時合照。

兩位主持更夥拍Gordon葉泓聲趕喺大藍水季節到尖洲嘅天池打卡，欣賞香港水下獨特地貌，《潛・規則》第1集已在myTV Gold上架，供觀眾免費試睇，第2集主持去海洋公園體驗專業潛水員清潔玻璃嘅工作。
浪茄灣尋寶上岸。

星期六即將更新《潛・規則》第3、4集，第3集中，主持將繼續體驗海洋公園工作，亦帶大家「另類」到訪港人其中一個遠足熱點——東壩，於水底三角石練習穿洞，欣賞水底景色。第4集主持會參與潛水界一年一度嘅盛事——香港珊瑚礁普查，再帶大家發掘更多香港特色潛水點，到西貢附近天池玩！

火石洲海底拍攝。

拍攝期間有多番阻滯，即使成功出海亦唔代表可以安全下水開拍，而且水底拍攝價值不菲，每個畫面極為珍貴，機會更為難得。安全至上，每次拍攝需要考慮天氣情況、水質等，加上正值香港風雨奇多嘅夏天，只能夠聽天由命，譬如屢次上船出海卻因水質不佳等原因需要折返，無功而回實屬常見，仲有主持狀態亦係挑戰之一，潛水嘅危險性與難度也不容忽視。
Gordon 葉泓聲在尖洲潛水。

Carlos古天祥曾因通宵拍攝而被拒參與潛水拍攝，Honey何泳芍曾因拍攝太辛苦而不適嘔吐，整個節目完成，確實集合天時、地利、人和，方才成事，節目五位主持Honey何泳芍、Aurora李君妍、Joyce魏韵芝、Gordon葉泓聲、Carlos古天祥，每人各有性格特色，喺節目中，最可靠係上山又下海嘅野人主持Honey，身為徒手潛水教練嘅佢常常幫助大家，表現一直不俗，其次係Carlos，潛水技術同表現十分穩定。
果洲群島海底拍攝。Honey 何泳芍、Aurora 李君妍落水前拉筋伸展。Aurora 李君妍、Carlos 古天祥船上合影。

Joyce雖然潛水經驗尚淺，但勤奮地體驗唔少職業潛水工作，Aurora李君妍及Gordon葉泓聲二人各有唔同嘅「反轉魅力」，水面水底判若兩人。Aurora對自己好有要求，下水前總係十分擔憂，於水裏卻變得淡定；Gordon拍攝嗰陣潛水技術有所提升，在水中則係愛搞怪又膽小嘅人，更因緊張而耗氧量高，獲得「暴龍」之稱號。

Joyce 魏韵芝船上留倩影。節目中Honey為展現自己的潛水技巧，總穿短褲潛水。半月灣天池拍攝。5位主持Carlos 古天祥、Joyce 魏韵芝、Honey 何泳芍、Aurora 李君妍、Gordon 葉泓聲出席《潛．規則》記者會。「鬼網殺手」Harry 陳天明先生、漁護署高級海洋護理主任 (生物多樣性) 王卓基先生及漁護署海洋護理主任郭俊傑博士等出席《潛．規則》記者會。