細龍生鄭世豪變晒肌男 21日地獄式減肥曾試過體力不支

鄭世豪喺處境劇《愛‧回家之開心速遞》飾演細龍生,早前監製提議鄭世豪由晒大肚腩嘅肥仔造型,用21日勁減30磅,鄭世豪變成晒肌型男。

鄭世豪喺短短21日操fit,佢自製地獄式減肥餐單,將四餐變成一餐,鄭世豪曾試過體力不支:「全日我剩係食咗一件雞胸、一個西蘭花同十隻蛋白,咁我就頂到,但係呢廿幾日裡面,一踎低就已經頭暈,一企起身要搵嘢扶,我都好小心,當我見到好似唔係好夠力去support,我就搵咗另外一啲零食無鹽果仁。」鄭世豪完成呢個騷肌創舉,為咗搬屋夠體力,佢就回復正常飲食。

 相關推薦