喺梨泰院慘劇發生未夠一星期,印尼球場人踩人慘劇剛滿一個月之際,韓團NCT127星期五喺雅加達印尼會展中心舉行嘅演唱會,又幾乎發生嚴重事故。
兩單意外都有過百人死亡,令各國對近日嘅大型活動都格外戒備,而事發喺4號晚嘅表演,據報表演開騷前已經收到炸彈恐嚇,喺企位「搖滾區」嘅歌迷因為熱情紛紛向舞台方向推進,雖然成員已經多次開咪要求歌迷後退,更一度中斷表演,之後亦因為觀眾安全而中斷整個演出,惟事件仍造成至少30名歌迷受傷,部份亦暈倒而需要送院。
主辦單位事發發公開信道歉,亦承諾會加強現場保安安排,而部份迷亦對過於熱情引起恐慌而自發以「 #SAYSORRYFORNCT127」喺網上出Post道歉,據知NCT127成員今日繼續佢哋嘅演出。
(網上圖片)