Tyson Yoshi拒同女友打機 劉沛蘅爆洪卓立

以前就話打牌睇到人品，不過而家個個都打機，唔少人一開Game就六親不認，唔知遲啲會唔會改為「打機先睇到人品」呢？呢日 Tyson Yoshi 同 劉沛蘅 齊齊現身一個電玩活動，Tyson Yoshi就講明唔鍾意同女友一齊打機，仲話隨時搞到出事鬧交呀。

要避免呢啲麻煩，男士就要學吓洪卓立喇，因為Hillary呢個100分女友話阿Ken打機夠晒勁，自己仲至鍾意睇住佢打機呀。

Tyson Yoshi為咗新歌MV可以話不惜功本，除咗自己執導務求完美之外，仲投入咗大量製作費，仲話MV故事有連貫性，大家慢慢睇埋其他歌就會明白當中嘅故事咁話呀。