[率先直撃]《聲夢2》踢館賽稍後登場 獨唱對唱兩隊相互切磋

由《聲夢2》畢業生迎戰馬來西亞同澳洲過江龍嘅《聲夢傳奇2海外踢館賽》一陣20:30就會正式播出，今次佢哋將分別組成Star Team同Dream Team以遊戲同歌唱方式切磋對壘，喺正式比賽之前，我哋就一齊率先睇吓佢哋綵排嘅情況啦。

被歌迷稱為「Jas綿」嘅任暟晴，將會同馬來西亞冠軍Xair彭詡越一對一PK，佢哋仲分別會以《是但求其愛》同《囍帖街》對壘呀。至於「大魔王」Janees黃洛妍就會同全澳洲總亞軍Gina蔣沁忻對唱《愛是永恆》，又會同Pamela趙小婷並肩對決澳洲總冠軍Lorraine孫佳利同Gina。

而上屆畢業生Archie冼靖峰同Aska張馳豪就會以外援身份加入戰團，分別同Angel劉詠彤仲有來自大馬嘅Zentson潘乾政對決，想睇佢哋之間嘅激烈火花，一陣就千祈唔好錯過節踢館賽上半場嘅播出喇。