超能使者丨林子善劉穎鏇被高佬父子催淚戲感動 展鵬Moon默契倍增

一眾《超能使者》演員陳山聰、陳展鵬、劉穎鏇、林子善及劉佩玥(Moon)等呢日出席宣傳活動見面造勢，眾人玩小遊戲，劉穎鏇更要瞌埋眼去摸男演員估佢哋係邊個。

噚晚嗰集高佬父子嘅催淚生離死別戲，楊證樺更餵兒子食混入老鼠藥嘅熱粥，由扮冇嘢到唔忍心，直至兒子斷氣後崩潰爆喊，充滿戲味，睇到觀眾好感動，Q姨成功令明仔「起死回生」，林子善話當聽到高佬講嘅一句對白「就算幾艱難都要生活落去」，佢忍唔住喊都飛起，尤其喺香港或其他地方生活，好多人都好辛苦，但係大家都努力生存落下去，每一個人都係「超能使者」。

劉穎鏇亦被劇中呢場戲觸動：「我哋兩位小朋友都做得好好，兩個故事好感人，開頭好開心，突然有啲好傷心嘅事，令到情緒又上又落，成件事好完美。」

劉佩玥入行後多次與陳展鵬合作，今次演CP帶畀觀眾意想不到嘅驚喜，二人覺得友誼昇華，親密合作後默契倍增，劉佩玥讚陳展鵬做搞笑角色冇得頂，劉佩玥早前因腸胃炎入院：「以前佢哋第一次好亂，今年三十幾歲都係咁，佢哋就慢慢攞車。」