馬浚偉主理嘅台慶大型廚藝節目《黃金盛宴》，本周一同周二登場「星廚」李家鼎、黃亞保、譚以健、Amanda S.、陳煒及黎諾懿，「星級嘉賓」邀得麥美恩、滕麗名、江美儀及曹眾，主題分別係「主食」及「甜品」。
Mayanne想同鼎爺演床上戲，但鼎爺話唔制，全場爆笑。久未露面嘅曹眾成為《黃金盛宴》席上客。

今晚嗰集3位星廚合力炮製4道佳餚，包括「鮑魚脆米糯米飯」、「香噴噴蟹粉煎飯」及「啖啖肉西班牙飯」等，鼎爺更公開自家醃薑秘方，聽晚嗰集幾位星廚要合力製作「珍味甜入心」、「魚躍在翡翠」及「珠光寶氣賀台慶」3款中式或法式甜品。

阿滕話好開心能夠一嚐鼎爺手勢。

鼎爺煮「鮑魚日

因乜解究馬仔、Mayanne同阿滕驚到搵嘢遮面呢？
鼎爺送飛吻，Mayanne即「隔空接吻」。
麥美恩今晚將遇上「最想Kiss男藝員」鼎爺，並化身「進擊粉絲」向對方瘋狂表露愛意，麥美恩甫出場先係自信滿滿向鼎爺下戰帖，揚言切磋廚藝，又提議跟鼎爺合演床上戲，鼎爺秒速落閘：「我唔制呀！」麥美恩未有放棄，繼續向鼎爺連環示愛，終獲鼎爺「隔空錫錫」回報，之後麥美恩當眾發表另類「愛的宣言」，話鍾意鼎爺爛口，期間鼎爺示範紅蘿蔔切粒，滕麗名自認懶人妻，即分享入廚蝦碌事：「我老公成日食到我啲Gel甲。」
「星級嘉賓」是Mayanne和阿滕，還有主理人馬浚偉。Mayanne化身小粉絲落足力畀反應鼎爺，令鼎爺好開心。
曹眾自2007年離開TVB後淡出幕前、現職上市公司執行董事，將於聽晚嗰集亮相，甫見保養得宜嘅53歲曹眾及51歲江美儀「雙劍合璧」，馬浚偉大讚二人係「凍齡少女」，令兩女笑逐顏開。同屬「單身貴族」嘅馬浚偉話可以考慮同江美儀一齊。黎諾懿以花膠製作「珍味甜入心」。

曹眾一向注重健康，透露現時致力研究生物科技對人類健康：「相信將來，我哋即使100歲都可以好似而家咁。」聽晚一集美女如雲，馬浚偉趁機搞氣氛，先揚言會考慮跟同屬「單身貴族」嘅江美儀一齊，轉個頭又以「心心」稱呼Amanda（中文名為龍玥心）並向對方「派心」。甜品達人Amanda炮製甜品「珠光寶氣賀台慶」。

Amanda曾於法國藍帶廚藝學院修讀甜品課程，特別搵香港師傅學整不少總統夫人至愛嘅傳統蛋糕，又分享與甜品絕配嘅酒類及大晒流利法文。此外馬浚偉大爆新婚煒哥Sweet爆婚宴秘聞：「佢老公應承一定要照顧佢一生一世、50加1。」煒哥亦親解「50加1」閃到眼盲。新婚人妻煒哥煮嘢都煮得特別開心，冧笑住提及老公嘅愛的宣言。煒哥在Amanda協助下做出甜品「魚躍在翡翠」。

《黃金盛宴》周一至三晚10點半翡翠台播映

馬浚偉主理TVB台慶大型廚藝節目《黃金盛宴》於11月9號播出最後一集，9大星廚再度「合體」炮製過去8集入選「黃金盛宴」佳餚，嘉賓陣容強勁，款待飲食界VVIP著名食評家蔡瀾、TVB總經理（節目內容營運）曾志偉、1985年港姐冠軍謝寧、資深廚師周中、薛家燕、周汶錡及莫樹錦醫生，品嚐精美菜式大滿足。

曾志偉受訪時稱食得好飽，每一道菜都好好味，主持馬浚偉之前已試過呢啲佳餚，呢日再品嚐，馬浚偉覺得星廚們落足心機、費盡心思去煮黃金盛宴，味道更加好食，皆因蔡瀾先生同曾志偉等VVIP係座上客，當然要煮得更好味，而曾志偉喜見台前幕後為台慶賀壽出心出力。

眾星廚首度聯手合作，惺惺相惜，大家友誼大躍進，鼎爺、肥媽同三姐跟星廚們合作好開心，現時終於可以放鬆，黃亞保指今次袋咗八、九個菜「落袋」，過程中彼此交流，獲益良多，而肥媽希望大家畀啲掌聲給幕後工作人員，肥媽同三姐唱《友誼之光》，之後馬浚偉亦加入同肥媽合唱《我行我素》，氣氛相當融洽。