黃金盛宴丨馬浚偉與陳煒惺惺相惜 江美儀讚黎諾懿煮甜品手藝好

黃金盛宴丨馬浚偉與陳煒惺惺相惜 江美儀讚黎諾懿煮甜品手藝好

馬浚偉主理嘅台慶大型廚藝節目《黃金盛宴》,呢集「星廚」Amanda S.、陳煒及黎諾懿合作煮「甜品」,馬浚偉邀請江美儀同久未露面嘅曹眾現身做嘉賓。

馬浚偉跟現場藝人惺惺相惜,佢睇住黎諾懿入行,而且一直欣賞江美儀演技,又同陳煒合作拍《宮心計2深宮計》演敵對關係,互相鬥戲,由於馬浚偉跟眾人熟絡,現場氣氛開心又融洽,江美儀大讚黎諾懿煮甜品好好食,黎諾懿準備整中式糖水,馬浚偉則指呢集嘅食材都係佢最鍾意,所以佢好期待品嚐各人廚藝。

薛家燕獲電台同事賀74歲大壽 生日願望心急兩女兒有著落

今個月底30號就係 薛家燕 74歲大壽,家燕姐向來人緣廣,呢日佢返電台開咪時,一眾同事就搞咗個小派對為佢提早慶生,仲獲得多位高層親臨祝賀,大家唔止送上鮮花同手製蛋糕,仲送上印有家燕姐肖像嘅4張J字啤牌,寓意家燕姐得到一手好牌,得心應手,氹得家燕姐又開心又感動。

家燕姐感激同事送上嘅心意,特別係 馬浚偉 嘅悉心安排,令佢最感動係生日卡上收集咗所有同事嘅簽名,佢會將呢張卡好好保存。家燕姐話每年電台都會為佢舉行大型生日會,延開幾十圍好熱鬧,但礙於今年工作密麻麻,決定延遲到五月初才舉行生日會,屆時仲會同天下母親一齊預祝埋母親節。

至於正日生日,家燕姐就會同屋企人出埠到韓國度假,生日願望係「香港經濟復甦,人人有工開,最緊要身體健康,可以享受人生。」另一個生日願望家燕姐就好着緊兩個女兒嘅感情狀況,坦言希望有好消息。一直流傳家燕姐有位Honey喺身邊,講到今次韓國之旅會唔會與Honey同行?家燕姐就好搞笑話:「唔知道,等阿女安排,睇吓邊個Honey鍾意食韓國嘢啦。」

 相關推薦

熱門搜尋