靚湯同馬明甜蜜遊日本 白只陳欣妍新片愛到噴火

靚湯同馬明甜蜜遊日本 白只陳欣妍新片愛到噴火

喺社交平台公開戶外風呂,令大家羨慕妒恨恨嘅 湯洛雯 呢日已經返港現身電影活動,唔少人好奇到底邊個幫靚湯揸機影靚相,呢日佢就親自解畫,證實係同馬明首次齊齊外遊嘅甜蜜之旅,難怪呢日佢明艷照人,打從個心甜出嚟喇。

一直有傳佢同馬明好事近,不過呢日靚湯就話只係去個普通旅行唔係預支蜜月,但係就話疫情減退真係可以好好計劃,但係未有定案之前就唔會公開住咁話,亦都話唔排除會旅行結婚呀。

有人去完旅行就會反面收場,而呢次靚湯同馬明第一次齊齊去旅行,雖然了解多咗更多男友嘅優點,仲大讚馬明係順得人跟得男友,但係攝影技巧就有待好好加強喇。

呢日嘅首映當中,有份演出新片嘅 白只 同 陳欣妍 仲先爆佢哋嘅熾熱感情,仲話呢後情猛烈到噴火,正式係愛火花咁話喎。

馬國明湯洛雯恩愛為貓主子Tino慶祝3歲生日 六月唐老鴨90歲生日點慶祝?

馬國明迎娶湯洛雯同居後,順理成章肩負起照顧靚湯兩隻布偶貓主子嘅責任,馬明好享受做貓奴,彼此感情越嚟越好,絕對係愛心爆棚,噚日(3月15號)係布偶貓Tino生日,馬明目前忙於開工拍攝《執法者們》噚日受訪時,佢就話希望有機會早啲收工返屋企為愛貓慶祝。
噚日係馬國明同湯洛雯嘅布偶貓Tino生日。

呢位暖男講得出、做得到,今日靚湯喺社交平台貼出一家「四口」嘅合照,見靚湯悉心佈置為壽星貓慶祝3歲生日,仲準備咗一個有貓仔圖案嘅蛋糕,又幫愛貓戴上生日帽,儀式感滿滿,而馬明趕回家參加生日派對,佢穿上白色小背心、抱起愛貓一臉陶醉儼如慈父!靚湯表示只求兩隻布偶貓阿仔Tino同阿女Ariel健康快樂成長。
馬明目前忙於開工拍攝《執法者們》噚日受訪時,佢就話希望有機會早啲收工返屋企為愛貓慶祝。

馬國明一向好有儀式感,噚日受訪講明愛妻靚湯5月6號生日必定向劇組請假,而佢更係唐老鴨忠實fans,屋企有過萬件唐老鴨珍藏,全家人每年會為唐老鴨買蛋糕慶祝生日;馬明更喺唐老鴨生日同一日開IG賬號,話呢個日子易記。繼靚湯5月生日後,今年6月9號就係唐老鴨90歲生日,愛屋及烏嘅靚湯到時會點同馬明一齊為唐老鴨慶祝呢!?
馬國明係唐老鴨忠實fans,屋企有過萬件唐老鴨珍藏。愛屋及烏嘅靚湯到時會點同馬明一齊為唐老鴨慶祝呢!?靚湯一向好愛錫兩隻貓主子,視佢哋係仔女咁。馬國明和湯洛雯去年12月在泰國蘇梅島舉行婚禮,今年1月在尖沙咀半島酒店低調補擺喜酒。

 相關推薦

熱門搜尋