《毒舌大狀》農曆新年上映 黃子華「毒舌之神」海報曝光

《毒舌大狀》農曆新年上映 黃子華「毒舌之神」海報曝光

2023年上映賀歲律政電影《毒舌大狀》,由吳煒倫編劇及執導,黃子華、謝君豪、王丹妮(Louise)、廖子妤、王敏德等主演,並由林保怡、谷德昭友情演出,一場激動人心,讓觀眾驚喜萬分嘅法庭攻防戰,將於新片《毒舌大狀》震撼呈現。
黃子華主演律政電影《毒舌大狀》於2023年賀歲檔期上映。

子華以「毒舌之神」造型於電影海報曝光,喺戲中飾演鐵嘴毒舌,攣都可以拗番直,落力幫助平民大眾,猶如神的化身一樣,雖然子華神金盆𠺘口,但睇佢戲中毒舌上身,並打着「是非不在金銀,公道自在人心」旗號,幫大家出啖氣!
子華以「毒舌之神」造型於電影海報曝光,喺戲中飾演鐵嘴毒舌,幫助平民大眾。

日前正式宣佈《毒舌大狀》將喺農曆新年賀歲檔強勢跟大家見面,劇中演員更炮製一條全新宣傳片,搞鬼地做盡院內禁事,王丹妮和楊偲泳喺法庭上喧嘩兼講電話、廖子妤擺甫士開閃光燈自拍、栢天男自帶咖喱牛腩飯開餐,子華滿有威嚴訓斥:「法庭之內不准喧嘩、不准聽電話、不准玩手機、更加不准外帶食物。」宣傳片寓意戲院跟法庭一樣,提醒大家請勿玩電話及自攜外來食物,並須遵守規則、安靜地欣賞好戲。

劇中演員更炮製一條全新宣傳片,搞鬼地做盡院內禁事。
廖子妤擺甫士開閃光燈自拍。栢天男自帶咖喱牛腩飯開餐。王丹妮喺法庭上喧嘩兼講電話。子華打着「是非不在金銀,公道自在人心」旗號,幫大家出啖氣!

《毒舌大狀》講述一宗國際名模涉嫌虐待女兒嘅冤案,竟然成為法律界、權貴與名媛之間嘅角力場社會金字塔頂層一群!點樣用盡權力與資源去自保?大狀們又點喺重重困難下伸張正義?

《毒舌大狀》講述一宗國際名模涉嫌虐待女兒嘅冤案。


電影導演會頒獎|梁朝偉再獲得影帝殊榮 余香凝首膺影后喜極而泣

影圈年度盛事《2024香港電影導演會周年晚宴暨年度頒獎典禮》,3月15號喺尖沙咀一間酒店隆重舉行,現場眾星雲集,好似洪金寶同太太高麗虹、林峯、馮德倫、錢嘉樂、鄧麗欣、周家怡、周麗淇、蔡卓妍、關智斌、陳家樂、王浩然、余香凝、伍詠薇、葉子媚、魏浚笙、廖子妤、王丹妮、劉偉強導演等等。
  
近年受糖尿病困擾嘅洪金寶,之前曾經以輪椅代步,呢日改為撐拐杖,精神奕奕現身。洪金寶指近年日常生活多數是買餸煮飯,已經甚少外出搵朋友聚舊,因為要保持健康飲食習慣,怕自己出到去茶餐廳又會忍唔到口好辛苦,現時每日都會食青瓜、蕃茄充飢,非常健康。亦遵照醫生意見有適量運動,例如行路,不過只可以短程。被問到游乾水(麻雀耍樂)也是運動一種?大哥洪金寶好搞笑話:「以前都會游,但游游吓另外三個死晒,因為我又鬧又啪枱又盛,冇人再肯同我打。」

梁朝偉憑電影《金手指》獲「最佳男主角」,再次封帝嘅偉仔保持平常心,並透露每日都過住慶祝生活,因為生命每日都要珍惜。偉仔稍後將會起程遠赴德國拍戲,喺電影中偉仔會飾演一位腦神經科學家,佢早喺半年前已經開始睇書、搜集資料以及到訪大學認識腦神經科學家取經,為開拍新戲做足準備。至於老婆劉嘉玲會否同行?偉仔則表示未必。

偉仔呢晚都有同影后余香凝合照,更表示有欣賞對方主演嘅電影《白日之下》,大讚電影好睇,特別欣賞姜大衞演技。

余香凝憑主演嘅《白日之下》獲「最佳女主角」首度封后,手持獎項影相期間佢突然忍唔住爆喊:「好多人都唔知道,其實我個樣越淡定係越緊張,但真係好開心,冇諗過今晚會得到呢個獎,見到台下好多熟悉朋友同合作過嘅導演,獎項對我來講義意重大,出到來見到好多睇住我大嘅人,突然好多情緒出嚟。」至於能夠首度同魅力男神兼出爐影帝偉仔集郵,余香凝極度興奮,仲話會將呢張合照曬大放喺獎項側邊留念。

而獲得「最佳新演員」獎嘅謝咏欣則表示好興奮,完全冇預計過自己會得獎,當下最想多謝祝紫嫣導演,以及戲中飾佢爸爸嘅吳慷仁。

近期計劃復出娛樂圈嘅葉子媚相隔30年現身活動,佢仲記得對上一次喺活動上抽到大獎。而佢嘅復出大計正在實行中,透露主要想拍戲,不過歸於平淡生活,作息養生多年,葉子媚坦承要適應生活有啲難度,因為現時若果不用應酬或出街,晚上七點左右就會瞓覺。

另外,近日張達倫喺新戲《出租家人》中飾演一位警察,電影武術指導錢嘉樂就設計咗個驚險動作畀佢,要張達倫飛身撲向架車到,好彩最後都成功挑戰鏡頭,對佢嚟講亦係個大突破。

 相關推薦

熱門搜尋