CP訓練營丨配對Game傷了四顆心 賴慰玲漏夜拆解三角戀

秋冬呢啲戀愛季節最啱就係睇啲純愛味濃嘅節目，就好似J2嘅戀愛綜藝節目《CP 訓練營》咁， 八位接受戲劇特訓嘅Kyle李爾晨、Gillian伍倩彤、Yeung蔡浩洋、Michelle葉靖儀、Argus馮建晞、Zaza范莎莎、Jaxson黃潤祺、同Eileen洪靄茵，轉眼間就嚟到戲劇訓練第一階段「考牌作」— 離別之吻，而呢個仲會係四個女仔嘅「幕前初吻」呀！

而9號晚播出嘅一集，竟然爆出Argus、Eileen同Yeung嘅三角戀！Yeung同Eileen喺第一輪配對之後，因為合拍而產生火花，大家以為呢對CP已經搞掂？點知殺出個Argus，佢話因為自己對Eileen一見鍾情，所以全程力爭同Eileen組合兼趁機示愛。

結果喺最終回「組合」環節，Eileen就喺兩男之間進退兩難，經過長時間嘅掙扎之後，佢決定選擇 Argus 獻出自己嘅「幕前初吻」，點知冇得到愛神眷顧嘅Yeung竟然爆喊，嚇到不知所措嘅Eileen更即時逃離現場。由於場面失控，製作組即打畀導師Winki賴慰玲求救，Winki除咗漏夜折返「營救」呢段三角關係外，佢仲細心安慰埋從頭到尾都冇被男仔揀口嘅Zaza，令一直強裝堅強嘅佢即時淚如雨下。

三角戀主角 Yeung、Argus 同 Eileen就喺節目之後同埋 Jaxson、Winki喺IG開LIVE，期間Winki講返當日劇組打畀佢嘅情況，佢話：「統籌打畀我話好精彩，佢一話 Yeung 喊，我就已經 Wow 咗出嚟。」之後聽到統籌話大家追拍緊爆喊嘅Yeung ，就令Winki決定要揸車返現場，仲話覺得當時最需要關心嘅係 Zaza。直播期間有 Michelle嘅Fans 留言問 Jaxson 係咪堅「沉船」？見到留言即顯得尷尬嘅Jaxson，儍笑一輪之後先話佢哋只係做戲，不過由於Jaxson嘅反應太奇怪，加上對網民追問係咪有真CP誕生嗰陣，個個都支吾以對，好難嗰令人諗Michelle同Jaxson係咪弄假真成。

三角戀風暴暴後會係點收科？想知道號你就記得留意10號晚播出嘅一集！

《CP訓練營》 逢星期一至靈 22:30  J2(82 台)