[電影泉攻略] 黑豹拍檔Lupita親述各演員憶Chadwick即淚崩丨EP24

[電影泉攻略] 泉叔每周精選心水猛片 花絮加專訪全天候供應 

《黑豹》男主角查特域克保斯曼(Chadwick Boseman)於2020因患結腸癌離世,喺新片《黑豹2:瓦干達萬歲》有一幕向「黑豹」Chadwick Boseman作最崇高致敬。

泉叔訪問「黑豹」拍檔雷碧達尼安高(Lupita Nyong'o),Lupita喺前集飾演「黑豹」特務女友Nakia,今次喺《電影泉攻略》傾吓拍攝點滴。

Lupita喺哀悼失去Chadwick Boseman,劇本也探討呢個問題,瓦干達失去國王鐵查拉之後,點樣走下去,令 Lupita感到安慰係可以誠實面對傷痛,同時渴望Chadwick嘅精神用不同方式,與製作團隊常在,製作統籌仍然會把演員列表第一位預留給Chadwick,每日收到拍攝日程時,提醒各演員「Chadwick仍在」,Lupita保留一張Chadwick嘅照片,放喺每日工作用嘅盤裡面,每日開工收工都會見到,有時拍攝空檔,大家交流最後一次與Chadwick喺一起嘅故事,各人都忍唔住哭泣,但係關係就係融洽友愛。

本周票房第三位係黃子華主演《飯戲攻心》、第二位係The Rock領軍嘅反超級英雄電影《黑亞當》,第一位取材自2013年「大角咀肢解父母案」嘅電影《正義迴廊》奪得,面對《黑豹2》來勢洶洶,唔知冠軍寶座坐唔坐得穩,下星期就知道!

此外,經典籃球漫畫《男兒當入樽》日前公開預告片段,仍未知「湘北」對手係唔係「山王工業」,由於配音陣容嘅聲優「面目全非」,目前喺日本嘅預售情況唔係非常熱烈。

全球影迷苦苦等待13 年,新戲《阿凡達:水之道》將在今年12月大銀幕登場,預告片可見男主角Jake Sully、女主角Neytiri與小朋友嘅生活片段,估計家庭觀念佔好大比重。仲未諗到睇咩新片,又想知本周有咩好戲推介,就快啲睇片啦!

 相關推薦