下流上車族大結局︱林敏驄加戲極催淚相擁喊足8分鐘 芊芊高榮陷離婚邊緣?

下流上車族大結局︱林敏驄加戲極催淚相擁喊足8分鐘 芊芊高榮陷離婚邊緣?

TVB台慶劇《下流上車族》今晚八點半播出大結局,噚晚嗰集堪稱眼淚放題,感人爆喊位一浪接一浪,劇集開首由飾演「蔓蔓」羅毓儀(Yuki)上演崩潰式喊戲掀起序幕,劇情講述蔓蔓目擊爸爸志明(林敏驄飾)疑有外遇後大受打擊,情緒爆發邊喊邊跑返屋企,並攬着媽媽(江美儀飾)及家姐芊芊(郭柏姸飾)哭個不停:「爹哋唔要我哋喇……」
Yuki感恩美儀姐對佢無限信任,幫佢申請Retake,等Yuki可以有多一次機會做好啲。
Yuki這場戲表現相當投入,激動到面都紅晒,Yuki受訪時透露事前原來向影后鮑起靜請教:「因為冇經歷過呢樣嘢,所以拿捏唔到個情緒應該去到邊,鮑姐幫我分析話蔓蔓比較小朋友,遇到呢種情況會感受比較大,喊得比較勁,聽完鮑姐講再加埋自己想像,就代入到個角色。」

Yuki再晒崩潰式喊功,原來佢事前請教咗鮑姐點演呢場戲。

Yuki話呢場戲前後拍咗兩Take,並特別感激「媽咪」江美儀信任:「第一Take其實都喊到,但媽咪睇完Playback後覺得我可以喊得再入肉啲,之後叫導演畀多次機會我。其實本身自己睇完都覺得爭啲,但始終自己係新人唔夠膽要求嚟多Take,唔敢保證會唔會做得更好,好多謝美儀姐相信我做得到,覺得好感動。」

雯慧(江美儀飾)受盡傷害,向志明提出離婚。雯慧嗌離婚,志明喊到收唔到聲。
來到劇集尾聲,驄哥再度攻陷觀眾「淚點」!劇情講到受盡傷害嘅雯慧(江美儀飾)向志明提出離婚,志明遂陷入後悔輪迴,一邊睇一家人嘅相片一邊爆喊;失去家人嘅志明更幻想一家四口重聚的畫面,四人相擁而泣,煞是感人,但鏡頭一轉只剩下志明獨自躺喺梳化落淚,突顯出志明嘅孤獨。
志明幻想一家人團聚兼相擁而泣,畫面催淚。失去家人嘅志明更幻想一家四口重聚的畫面。
鏡頭一轉,志明獨自瞓喺梳化度喊。

驄哥受訪時透露呢場戲係自己提議加呢一場:「本來場戲係得我一個喊,之後我覺得兩個女啲演技開始成熟,可以喊得出喇喎,加上大家相處咗幾個月,有咗感情基礎,所以搵埋佢哋同美儀姐一齊演,大家拍呢場時都喊晒,美儀都喊到收唔到聲,感覺非常好。」
原來呢場戲係驄哥提議加拍,而單單係試戲,大家已經攬住喊足8分鐘。

驄哥喺社交網上載當日花絮照,透露試Take時已淚如雨下,四人更相擁喊足8分鐘,佢留言:「1st take已經是相當滿意達標,稍作休息,看看playback,閒話家常,說說笑,大伙吃著美儀煮來的雞翼,休息十分鐘,再來一take,一揮而就,工作本來就應該是這樣。」
今晚大結局,志明同雯慧將會和好如初,呢場戲同樣洋蔥指數爆錶。
今晚大結局最大睇頭,當然係陷入離婚邊緣嘅車氏夫婦如何大團圓結局,驄哥更會大拋感人Bite:「我哋加埋幾多歲喇?唔通仲可以有轟轟烈烈嘅愛情?只希望呢個家齊齊整整,可以同你細水長流。」驄哥同美儀姐再度聯手大派洋蔥!

另邊廂,輪到芊芊同高榮鬧離婚,最終結果會係點呢?
另邊廂高榮(丁子朗飾)不堪外母雯慧嘅高壓政策,忍唔住搵志明訴苦,豈料被芊芊無意聽到,芊芊為咗媽媽忍痛與高榮分開,令新婚嘅二人陷入離婚邊緣,最終二人到底可唔可以和好如初?記得留意《下流上車族》大結局!

噚晚一集仲有感人場口,毓霞與孫仔太郎重聚。家寶(林景程飾)帶仔仔返香港探毓霞。


麥明詩盛勁為舉辦婚宴 林作媽媽現身送祝福

麥明詩同盛勁為喺3月24號擺酒舉行婚宴,獲馮盈盈、鄭衍峰、同麥大力擔任兄弟姊妹團,一對新人甜蜜咀嘴,幸福滿瀉,Louisa喺結婚過程中多次開心到喊,好多朋友更祝福佢哋早生貴子,佢哋都話有呢個計劃,仲話會趁婚假養精蓄銳為生BB做足準備。

而呢晚劉佩玥、吳業坤、江美儀、陳庭欣、戴祖儀、郭子豪、鄧卓殷、丁子朗、洪永城、唐詩詠、黃德斌、翁嘉穗同老公都有到賀,但最驚喜嘅莫過於係Louisa舊愛林作嘅媽媽王莉妮現身,原來佢係以Louisa契媽身份送上祝賀,佢更大讚盛勁為好靚仔好型,自己個仔完全比下去,林媽媽仲話覺得好可惜,之前一直好想阿仔箍煲,最終事與願違。不過林媽媽阿仔都有託佢向Louisa送上祝福。

林作同裕美日前post出結婚相,問到林媽媽囝囝係咪都好事近?林媽媽竟然話林作影婚照係因為受到刺激,仲話自己安慰阿仔叫佢睇開啲,至於講到會畀裕美呢個準新抱幾多分?林媽媽似有難言之隱,只係話佢合格咋。

盈盈見證住好姊妹Louisa覓得真愛都好戥對方開心,佢仲話喺一對新人之間嘅互動,已經感受到佢哋係有幾恩愛,佢仲大讚兩人係最佳拍檔。至於兄弟之一嘅麥大力,之前喺美國滑雪傷腳,雖然仲要撐住拐杖,但大力都堅持上陣,認真唔話得,而Leonard就分享咗兩人相處嘅小趣事。

而啱啱再榮升做爸爸嘅洪永城,就再次同大家分享喜悅,佢仲話細女似媽咪多啲,而大女見到妹妹都好開心,仲鍚咗妹妹一啖添。

 相關推薦

熱門搜尋