胡楓演唱會︱ 歌神張學友上台唱《愛是永恆》當眾向契爺下跪 修哥感動落淚

胡楓演唱會︱ 歌神張學友上台唱《愛是永恆》當眾向契爺下跪 修哥感動落淚

胡楓(修哥)今午(12日)假紅館舉行《修哥90迎金秋無限楓騷演唱會》,修哥先後唱出契仔契女嘅經典歌,當唱到張學友名曲《愛是永恆》,契仔張學友從升降台出現,與契爺修哥一齊唱,旋即全場歡呼,修哥見到契仔學友親身到場支持,即感動到眼濕濕,忍不住抹一抹眼淚,跟住張家輝亦出場,三人齊齊唱《情已逝》。

當修哥唱《愛是永恆》時,張學友就從升降台出現,全場觀眾一起歡呼。

修哥望住契仔學友當場流下男兒淚,相當感動。學友一向愛錫契爺修哥,二人擁抱,場面溫馨感人。


學友行上台前向契爺修哥跪低,學友感性地說:「如果我有一日90歲喺度唱,我就心滿意足,係畀一個希望我哋後輩,我一生人唔會點向人跪,除咗跪老婆之外。」可見修哥喺學友心目中地位十分重要,
修哥於2018年舉行《胡楓86破晒紀錄演唱會》,當時學友隔空送驚喜,身處新加坡開演唱會嘅張學友,跟修哥及張家輝進行視像交流,更獻唱《還是覺得你最好》,修哥呢日喺台上表示自從嗰次搵學友做嘉賓,之後佢都唔好意思再開口搵學友,因為那年自己個騷同學友新加坡個唱撞期,學友喺新加坡用通訊衛星「驚喜」幫佢做嘉賓,修哥稱要學友使好多錢,感到唔好意思,今年開騷係學友主動問修哥,自薦做嘉賓,所以修哥先叫佢幫手,好感動契仔前來支持。

張學友當場向修哥跪下,答謝修哥,掀起高潮。

張家輝再次出場,修哥稱張家輝想唱《情已逝》,於是叫張學友一起唱。


而學友好戥契爺開心:「90歲喺紅館開騷,明年91歲你都記得一定要再開。」修哥稱今次已經有21個單位合作,學友笑說:「下次有30幾個,預埋我,我都會夾埋一份。」修哥個唱於下午6點幾完騷,修哥率領四個曾孫及一眾圈中好友上台大合唱《朋友》,見不少《愛‧回家》演員亦有現身支持修哥。

修哥率領四個曾孫及一眾圈中好友上台大合唱《朋友》。不少《愛‧回家》演員亦有現身支持修哥。


汪明荃胡楓蘇永康獻聲 陳淑芬入行50年演唱會星光熠熠

《陳淑芬.星星相識50年.演唱會》日前在澳門圓滿完成,表演嘉賓星光熠熠,汪明荃、胡楓、呂良偉、鍾鎮濤、陳潔靈、莫文蔚、張智霖、陳松伶、謝天華、譚耀文、龍婷及蘇永康等,以及《聲夢傳奇》歌手張馳豪、林智樂、文凱婷、孫漢霖、劉詠彤及劉芷君,一齊唱盡不少經典金曲。

《聲夢》歌手唱《Stand Up》、《H2O》及 《Monica》揭開序幕,然後譚耀文唱電視劇《縱橫四海》主題曲 ,適逢今年係陳太陳淑芬入行50年,3月22號係陳太生日,佢帶領全場觀眾向壽星講生日快樂;龍婷則獻唱鄧麗君曲《我只在乎你》。 

張智霖唱《歲月如歌》、《幾許風雨》,阿姐汪明荃則獻唱《勇敢的中國人》,阿姐好開心參與陳太派對,而胡楓壓軸出場,喺舞蹈員陪同下演繹《情花開》,

陳太感恩此時此刻依然能夠喺演出娛樂行業服務大家,特別請嚟音樂人創作一首歌曲《圓滿人生》,感激半世紀旅途有大家陪伴及信任,成就陳太圓滿人生。

 相關推薦

熱門搜尋