胡楓演唱會︱ 歌神張學友上台唱《愛是永恆》當眾向契爺下跪 修哥感動落淚

胡楓演唱會︱ 歌神張學友上台唱《愛是永恆》當眾向契爺下跪 修哥感動落淚

胡楓(修哥)今午(12日)假紅館舉行《修哥90迎金秋無限楓騷演唱會》,修哥先後唱出契仔契女嘅經典歌,當唱到張學友名曲《愛是永恆》,契仔張學友從升降台出現,與契爺修哥一齊唱,旋即全場歡呼,修哥見到契仔學友親身到場支持,即感動到眼濕濕,忍不住抹一抹眼淚,跟住張家輝亦出場,三人齊齊唱《情已逝》。

當修哥唱《愛是永恆》時,張學友就從升降台出現,全場觀眾一起歡呼。

修哥望住契仔學友當場流下男兒淚,相當感動。學友一向愛錫契爺修哥,二人擁抱,場面溫馨感人。


學友行上台前向契爺修哥跪低,學友感性地說:「如果我有一日90歲喺度唱,我就心滿意足,係畀一個希望我哋後輩,我一生人唔會點向人跪,除咗跪老婆之外。」可見修哥喺學友心目中地位十分重要,
修哥於2018年舉行《胡楓86破晒紀錄演唱會》,當時學友隔空送驚喜,身處新加坡開演唱會嘅張學友,跟修哥及張家輝進行視像交流,更獻唱《還是覺得你最好》,修哥呢日喺台上表示自從嗰次搵學友做嘉賓,之後佢都唔好意思再開口搵學友,因為那年自己個騷同學友新加坡個唱撞期,學友喺新加坡用通訊衛星「驚喜」幫佢做嘉賓,修哥稱要學友使好多錢,感到唔好意思,今年開騷係學友主動問修哥,自薦做嘉賓,所以修哥先叫佢幫手,好感動契仔前來支持。

張學友當場向修哥跪下,答謝修哥,掀起高潮。

張家輝再次出場,修哥稱張家輝想唱《情已逝》,於是叫張學友一起唱。


而學友好戥契爺開心:「90歲喺紅館開騷,明年91歲你都記得一定要再開。」修哥稱今次已經有21個單位合作,學友笑說:「下次有30幾個,預埋我,我都會夾埋一份。」修哥個唱於下午6點幾完騷,修哥率領四個曾孫及一眾圈中好友上台大合唱《朋友》,見不少《愛‧回家》演員亦有現身支持修哥。

修哥率領四個曾孫及一眾圈中好友上台大合唱《朋友》。不少《愛‧回家》演員亦有現身支持修哥。


張家輝執導《贖夢》烏甸尼電影節參賽 喜獲國際認可坦認壓力大

由 張家輝 執導同主演;香港電影發展基金 與及 創意香港支持拍攝, 劉俊謙 陳法拉 領銜主演,加上 袁富華 朱晨麗 李凱賢 同 袁綺雯 助陣、 許恩怡  特別演出嘅心理驚慄新片《贖夢》,入圍第26屆意大利 烏甸尼遠東電影節 (Far East Film Festival) 競賽單元,更會於當地舉行全球首映禮。

張家輝執導嘅《贖夢》將參與烏甸尼遠東電影節嘅競賽單元

雖然家輝曾憑過往演出過嘅作品,同執導影片《陀地驅魔人》參展,今次再以導演身份赴意大利參與競賽,家輝就坦言壓力唔細:「今次如果演員身分出席會輕鬆一點,但導演責任比較大,仲需要承擔結果嘅成敗。」

自導自演嘅家輝指,今次除咗開心之外仲有唔少壓力

《贖夢》係繼《陀地驅魔人》後,家輝再有作品參展烏甸尼遠東電影節競賽單元,難掩興奮嘅佢話:「呢個係對《贖夢》嘅尊重同鼓勵,呢部戲仲未上映便就獲得認同,內心非常高興。」

提到新片《贖夢》呢部新片題材,而家輝就指不論任何類型、國籍、性格嘅人都避唔開「夢」呢個元素,無人會完全唔發夢,發夢就如呼吸一樣,人人都需要。《贖夢》以夢境表達兩段悲劇,從而帶出因果報應以及警世作用,家輝仲話:「我最希望觀眾行出戲院時會唔會暗地回想起自己嘅夢、會不會有好多不可告人嘅秘密、唔可以同人分享內心世界,呢個就係我拍呢部戲嘅原意。」

新片有 陳法拉、劉俊謙、朱晨麗等參與演出

家輝指夢境可以帶出自己憂慮,又同時展示出個人壓力。佢又話自己唔係一個經常發夢嘅人,但對夢景抱住一個敬畏嘅心,有時仲覺得夢係自己嘅一個朋友,提醒自己好多事:「今次以夢嚟包裝拍《贖夢》相當開心,但要喺《贖夢》中好全面咁拍出我所認知對夢嘅感受以及環境,其實都未夠空間展示出嚟,如果大家喜歡嘅話,希望有機會再盡情為大家展示。」

家輝指希望繼續有機會同大家展示佢心中嘅夢境故事

 相關推薦

熱門搜尋