聲夢2海外踢館賽丨海外學員勁享受過程 香港學員不捨舞台

聲夢2海外踢館賽丨海外學員勁享受過程 香港學員不捨舞台

《聲夢傳奇2 海外踢館賽》嚟到下半場賽事,由海外交流生組成嘅Dream Team雖然上半暫時落後,但依然幹勁十足,對《聲夢2》香港學員組成嘅Star Team,經過多輪比拼,Star Team以10:4贏出比賽,而兩隊舞台毅力獎嘅得主,分別係組合 XiX 同 孫佳利Lorraine。

雖然記話係踢館賽,但 Jasmine任暟晴 就話今次無之前咁大壓力, Pamela趙小婷 仲話似係音樂版嘅獎門人,而 Janees黃洛妍 就話無諗過踢館賽入面會有咁多遊戲玩。而 Angel劉詠彤 同 Sean文佐匡 都話大家都係以Have fun嘅心態嚟參加呀!

講到完成呢個last show之後,《聲夢2》嘅舞台就要拆卸,Janees話雖然好不捨,但係都冇辦法,而Angel就話雖然要同個舞台say bye bye ,但佢哋23個學員依然會再聚埋一齊呀。

Dream Team雖然最後落敗,但佢哋完全唔失落,仲話好享受今次個舞台演出, Zev梁宸語 話成個過程無大家想像中咁嚴肅,大家都係以一個音樂交流嘅心態嚟唱歌,在旁嘅 王紫薇 亦認同Zev,佢話大家都當係表演多過比賽呀。而 Vincent王泓升 就話最重要係大家留低咗最好嘅作品喺舞台上,而 Zentson潘乾政 話雖然佢哋係有啲小緊張,但都已經盡全力做到最好喇! 嚟自澳洲嘅 Lorraine 同 Gina 蔣沁忻 都話今次係個好棒嘅體驗呀!

內地熱爆劇《命轉皇后》3.25登場 白鹿張凌赫上演相愛相殺虐戀

改編自作家時鏡言情小說《坤寧》嘅外購古裝劇《命轉皇后》(前名:《寧安如夢》)將會接棒《婚後事》播出。故事講述白鹿飾演嘅姜雪寧,幾經坎坷終於做到皇后,可惜遭遇宮變最終自殺,但其實一切都係作家姜寧筆下作品,由於佢唔滿意結局而決定「重啟」姜雪寧人生,令姜雪寧帶住前世記憶改寫命運!
 白鹿飾演姜雪寧。
《命轉皇后》喺內地網上熱度非常高,單係微博話題閱讀量已經勁吸181.37億,抖音話題播放量亦高達144.89億。《命轉》女主角係喺內地有「男神收割機」之稱嘅白鹿,同佢合作過嘅都係內地當紅男演員,當中包括羅雲熙、許凱、任嘉倫、張凌赫和王鶴棣等。

白鹿被稱為「男神收割機」。而男主角則係26歲零死角嘅張凌赫,由於高顏值加上188cm嘅身高,而被網民封為「新一代顏帝」。
張凌赫擁有零死角靚仔樣,網友封佢為「新一代顏帝」。
之前喺《蒼蘭訣》入面飾演深情男二「長珩仙君」嘅張凌赫,如今喺《命轉》入面飾演性格冰冷、野心勃勃嘅男主角「謝危」,劇中佢對姜雪寧有着偏執嘅愛,將會同白鹿上演相愛相殺嘅虐戀!
 兩人於劇中上演虐戀。
至於《命轉》嘅主題曲《我的天下》,由《聲夢傳奇2》亞軍黃洛妍Janees主唱,今次係佢首支主唱嘅劇集主題曲。

《命轉皇后》3月25號起 逢星期一至五 21:30 翡翠台

黃洛妍獻唱主題曲《我的天下》。

 相關推薦

熱門搜尋