鄭秀文（Sammi）、陸駿光主演嘅《流水落花》、張艾嘉與蔡思韵主演嘅《燈火闌珊》被選為今年「第19屆香港亞洲電影節」閉幕電影，呢日出席電影節閉幕禮及首映禮，Sammi透露今次零片酬演出，完全被劇本吸引。

Sammi指作為一個香港演員難得有機會跟新晉導演拍一啲有誠意嘅作品，Sammi衷心多謝導演嘅信任：「我唔使一、兩日已經回覆接拍，我真係好鍾意個故事，整個訊息好有大愛。」

除咗同新晉導演合作，Sammi更拍咗張艾嘉執導嘅另一齣電影，再同張姐合作，Sammi覺得獲益良多，張艾嘉大讚Sammi有進步，Sammi自言一直認真演戲：「有時演戲可能用力咗，經過上一次同張姐合作，我開始更加明白演戲係一件咩事，多謝張姐對於我處理角色嘅信任。」

另一邊廂，張艾嘉亦透露拍新片《燈火闌珊》收低酬勞演出，佢表示好鍾意呢個故仔，呢個故仔講咗好多關於改變同消失，剛好喺呢個時候亦面對正在消失嘅舒適黃金時代，張姐憑《燈火闌珊》角逐金馬獎最佳女主角，佢屆時將出席呢個電影界盛事，以平常心面對獎項。

50歲樂壇天后鄭秀文（Sammi）將於7月舉8場行紅館演唱會，一向工作狂嘅Sammi除咗積極排練，近日忙於為新歌《致我們的夢想》宣傳造勢，Sammi凌晨喺社交平台稱自己病倒，早前不幸確診新冠肺炎。
Sammi凌晨喺社交平台稱自己病倒，早前不幸確診新冠肺炎。

Sammi透露於本月13號確診，病咗足足9日，直至至噚日先完全康復變回「一線」，佢坦言體力仍未恢復，因確診令演唱會所有排練無奈停頓，耽誤咗好多時間，目前變回「一線」，但係Sammi仍要耐心等體力恢復，佢初初以為兩三日就會完事，只好耐心地等待；Sammi一向對自己演出要求一絲不苟，不少fans擔心佢放唔低工作，勸佢要好好休息，體力要用2星期先慢慢恢復，希望Sammi唔好夾硬復工。