出道短短半年嘅 雲浩影 (Cloud)，近日推出第四首派台作品《氣流》，MV亦已經同彥推出。Cloud揚言新歌係到目前為止自己嘅最愛之作，今次佢由創作到製作仲全程參與，更加投放大量個人感情，根據自己喜好度身訂造新歌。佢仲話拍MV「玩大咗」，因為雖然加入強烈個人風格，不過全程衣衫單薄之下要抱住巨型冰塊拍攝，就搞到佢凍到腳震喇。

Cloud新歌MV要與巨形冰塊演戲 
因為自己喜愛坍冬季感覺，所以Cloud一直希望擁有感覺非常冬季嘅情歌，而新歌《氣流》完全係自己口味，令佢夢想成真。自五月推出第一首派台歌《願望之翼》，到呢次第四首歌啱啱半年，Cloud越嚟越了解自己嘅音樂路向，佢話：「我超鍾意今次新歌《氣流》，呢首歌絕對係我平時聽歌嘅類型，經歷咗之前三首歌，今次整咗一首好喜歡好特別嘅歌，好期待。」
 
佢又話：「我覺得呢首歌講一段義無反顧嘅愛情，有啲傷心，係淡淡嘅悲傷、苦澀。冬天，就係要有少少苦澀嘅元素。」MV由Cloud演獨腳戲，主要對手是一塊巨型冰塊，每一舊冰都封存咗一啲定情物品，好似鮮花、毛公仔、戒指同情信等。

Cloud正式出道半年就推出第4首歌 
因為以真冰塊拍攝，期間又一直在溶化，Cloud抱住冰拍攝演出亦要爭取時間，而工作人員又要小心保護未拍攝嘅冰塊，總之台前幕後都爭分奪秒，非常刺激。至於穿著短裙嘅Cloud就凍到震喇，佢話：「最初聽到個idea時，幻想到畫面好靚、好正，嚟到拍攝現場親眼見到啲一舊舊巨型嘅冰塊，有我半個人咁高，仲要不停溶雪，心諗『玩大咗添』！不過要多謝導演同美術設計師令呢件事成真，好期待拍出嚟效果，一定好靚、好好睇。」
 
MV攝影師又以「男友視角」拍攝表達甜蜜感覺，Cloud要對鏡頭談情，仲透露私底下極少講肉麻情話，佢笑言：「好唔慣對鏡頭做呢啲嘢，有啲噁心，毛管戙！」雖然係情歌，但係今次MV就缺少男主角，Cloud就話唔係怕男友呷醋，而係導演想觀眾集中望住自己咁話呀。

由無綫新聞及資訊部製作、黃淑明監製、方東昇、黃曉瑩及李曉欣主持的節目《好睡好起》，上周五晚（2日）播出一集，主題為「睡眠狂熱」，探討溫度如何影響睡眠質素，採訪隊登門造訪有「科學怪人」之稱的天文台前台長林超英，了解「無冷氣之家」如何運作。超英曾揚言「用十年時間證明，不開冷氣不會死」，「開冷氣是心中有鬼」，受訪當日室外超過38度，他堅持不開冷氣，更大拋金句自勉「熱，但唔辛苦！」超英又帶攝製隊直入睡房，逐一介紹「降溫法寶」，之後更即場示範高溫入睡。

雖然受訪期間衣衫盡濕，超英仍神態自若、活潑風趣，拿著「溫度槍」左嘟右嘟搞氣氛，又大力鼓吹「小林退熱法」，方東昇笑言「你是環保鬥士，我們頂多是一粒環保豆豉」。方東昇團隊蒐集了歐美科學家的看法，與超英埋身理性討論睡眠溫度議題，結果如何？