朱敏瀚新劇首擔大旗演出 扮AI機械人預騷肌

朱敏瀚新劇首擔大旗演出 扮AI機械人預騷肌

由 朱敏瀚 首次擔正男主角演出嘅新劇《虛擬情人》嘅一班演員,呢日齊齊現身為劇集試造型,其中身為IT達人靠自己對電腦嘅認識,親自製造出心中嘅完美男神,而扮演完美機械情人嘅Brian,呢日佢哋就猛互笠高帽,佢哋仲話故事同以往嘅類似作品會有好大分別喎。

「孝哥」 鄧智堅 今次會同 譚嘉儀 扮演一對夫婦,不過阿堅就非常抗拒戲中太太嘅性感演出喎。而好快就會展開個唱嘅嘉儀,一提到自己會露腰表演,阿堅就即刻入哂戲話唔准,非常搞笑呀。

而喺劇中同Venus扮演一對嘅 黃子恆,就完全唔恩愛,Hugo就話大家要細心留意佢哋之間非常寫實嘅感情發展喇。

星光路上丨王敏奕自認吟噚爆老公嘈交好識閃 曾國祥讚《婚後事》 情慾戲拍得好

王敏奕喺TVB話題劇《婚後事》飾演介入陳子瑤與羅子溢婚姻嘅「終極誘惑」」Mira,表現亮眼,一改昔日純情形象,呢日王敏奕接受TVB娛樂新聞台節目《星光路上》訪問,與主播潘盈慧談及最初拍TVB劇係因為被李麗珍睇中!

王敏奕一開始拍廣告及做茄哩啡,然後佢又試吓電影casting,直至有機會參加海選,王敏奕去TVB面試,當時被李麗珍選中,兩日後獲通知飾演《女人俱樂部》後生版朱莉,王敏奕得個幾月準備練舞同拉筋,直言拉筋拉到喊,佢因呢套劇與陳瀅、糖妹成為好姊妹,至今相識11年,三人依然感情要好。

王敏奕印象最深刻係拍《婚後事》有句「你愛唔愛我」,佢認為呢句說話係每個女仔都會問,每個女仔都知背後嘅底蘊,然而會去問,王敏奕當時好想嗰場戲令觀眾有窒息感;已婚嘅王敏奕坦言愛情觀跟角色「Mira」有啲似,好享受拍拖同付出,王敏奕笑指自己為人較務實,唔鍾意勉強,亦唔想死纏爛打。

而王敏奕與老公曾國祥現實中冇乜嘈過交,二人遇到任何問題,王敏奕自認吟噚,最重要諗點解發生呢件事,相反老公曾國祥好識閃,佢笑言有時老公閃多兩吓,自己就冇癮唔傾,認同生活係需要磨合,冇咩需要將小事化大,講到《婚後事》有好多情慾場口,王敏奕指老公有睇過啲片,有讚該劇拍得幾好,感覺同平時TVB劇唔一樣,對於老婆演出獲讚,曾國祥有睇到新聞亦好戥老婆開心。

 相關推薦

熱門搜尋