藝員分批錄影台慶歌舞 芊芊唔怕肥休息嘆雞脾

今個星期六就係TVB 55周年台慶，近日大批藝員同事已經妙為唔同組別為當晚嘅序幕歌舞拍攝，而為拍《下流上車族》苦練滑板嘅芊芊 郭柏姸 呢日一有空檔就即刻食雞脾，似乎女星唔敢食宵夜嘅傳統完全唔可以套用喺佢身上喎。

另一邊一班港姐成員就齊齊以高踭鞋出現，不過見到《港女野人》嘅 何泳芍 一身運動裝打扮上鏡就火都嚟喇，呢個Honey呢日仲整古做怪，仲講埋啲說話激港姐隊友，難怪即刻被圍攻啦。

藝人平時都要以極短時間光速背對白記台詞，不過講到跳舞可能就考起部份人喇，所以 黃嘉雯 就話非常考記性，仲話難過港姐競選呀。食完雞脾嘅Rosita除咗踩滑板，更加會參與無伴奏大合唱呀。

而扮得靚靚嘅 謝嘉怡 宋宛穎 同 關楓馨 一樣身兼幾個任務，佢哋都話要再緊密練習先得喇，而Sabrina亦有份主持呀。至於早前已經宣佈三甲名單嘅《香港小姐再競選》佳麗，將會喺台慶當晚表演，再現場宣佈結果，呢日 何沛珈 李芷晴 同陳懿德 佢哋就對當晚表演有啲緊張，仲希望以最佳狀態為大家表演呀。