唔玩唔知有獎攞丨連詩雅被委派台慶爭大獎 未婚夫陳家樂探班打氣

唔玩唔知有獎攞丨連詩雅被委派台慶爭大獎 未婚夫陳家樂探班打氣

TVB直播遊戲節目《唔玩唔知有獎攞》由陸浩明(6號)、吳若希和林正峰擔任主持,連續5日要求不同嘉賓玩遊戲,同時家庭觀眾可以參與競猜比拼結果, 一齊瓜分豐富獎品,首集邀請黃翠如、陳自瑤(Yoyo)和連詩雅(Shiga)三位好姊妹上陣。

6號指首日已送出一千份獎品,林正峰稱絕大部份禮物係送畀家庭觀眾,吳若希覺得今次呢個節目可以睇到嘉賓即興反應,佢哋開心有機會做台慶前奏節目,感到好光榮。

黃翠如、陳自瑤及連詩雅一向老友鬼鬼,佢哋冇諗過原來要對決,笑指喺節目當中可睇到佢哋嘅不和,黃翠如稱若果勝出有機會喺台慶當日爭奪50萬,佢哋三個要造就其中一個去爭入決賽,然後平分獎金。

呢日連詩雅未婚夫陳家樂親自到場打氣,連詩雅成為贏家,被委派台慶爭大獎,佢同兩位好友都樂在其中,陳自瑤讚遊戲好有新鮮感,之後未玩過。

世界養生組織|黃翠如靠正念瑜伽舒壓力 提升心靈健康

以養生為賣點的原創節目《世界養生組織》在J2(82台)播出。兩位主持陳自瑤(Yoyo)及黃翠如為觀眾搜羅各項養生之道,一連13集節目,介紹不同種類的妙法,助你延年益壽。由別開生面的森林浴、花藝養生,到傳統的瑜伽、音樂治療都有,一定有一種適合你。

第二集,Yoyo跟翠如會拜訪正念瑜伽導師Janet Lau,學習恢復身心靈健康。正念瑜伽是藉動作及冥想,達致身心靈平衡。已有多年瑜伽經驗的Yoyo在接觸到正念瑜伽後,大嘆:「而家先知道瑜伽可以用地、水、火、風(四大元素)演繹,真係井底之蛙。」作為瑜伽初哥的翠如表示今趟是越級挑戰,她笑言:「Janet係瑜伽導師嘅導師,Yoyo係學咗好耐瑜伽嘅同學仔,我係咪上錯班呢。」

Janet講解四大元素跟心靈健康息息相關,四大元素以地代表骨骼;水代表身體的液體口水、胃液等;火代表人體消化系統;風代表呼吸。翠如向導師透露生活中常有股無形壓力,令自己透不過氣,想知道最後她如何在導師引導下,用正念瑜伽平衡身心,舒壓學習與問題共處,今晚節目會有答案。

 相關推薦

熱門搜尋