《CP訓練營》育成真情侶 今晚齊齊搵蛛絲馬跡

《CP訓練營》育成真情侶 今晚齊齊搵蛛絲馬跡

《CP訓練營》經過第一階段「困戰鬥」式戲劇特訓後,八位受訓者將由女方揀選Partner,並進入第二輪私下約會階段。 

喺特訓期間同Kyle「你儂我儂」嘅Gillian,私下約會階段竟「另覓真愛」,原來Gillian為咗一圓Zaza渴望同Kyle相處心願,「割愛」轉Date「A0」 阿Yeung,又直認對A0男有所幻想:「因為香港地要搵一個A0嘅男仔,我覺得要去幼稚園搵架喇。」至於終能與Kyle獨處嘅Zaza,就以「進擊」Mode帶Kyle踩Roller拖晒手仔,又為壽星仔送上生日蛋糕,令Kyle冧得一陣陣,Zaza亦大拋進擊金句話:「我相信我比Gillian更加適合 Kyle」。

除咗「型男索女」今個星期各行各路之外,據知「訓練營」亦成功撮合真情侶,當中最大嫌疑組合分別係Michelle+Jaxson,同Argus+Eileen;16號播映嘅一集,大家絕對可落足眼力尋找 「真愛火」。

之前喺直播遭Michelle粉絲踢爆「沉船」嘅Jaxson,同Michelle打完籃球後,今晚將同畏高嘅 Michelle一齊挑戰攀石,Michelle仲獲安排獨自挑戰「攀高柱」 任務,心掛掛嘅Jaxson喺女方「嗌救命」期間,仲一度想飛身「英雄救美」,二人「愛火」蔓延,Michelle數度心心眼,至於Jaxson就全程「怕醜仔」Mode冧笑不斷,望見都眼冤。

其實Michelle喺打籃球時已不斷發問試探男方,當中最驚爆係Michelle問Jaxson「最快試過識咗女仔幾耐就同人Kiss」時,男方竟坦白回答「一日」,令Michelle一度失望扁嘴,不過Michelle仍然對Jaxson讚不絕口,佢話:「佢好有耐性解釋啲嘢我聽,感覺比同齡男仔成熟啲,又有上進心。」

至於之前因阿Yeung同Argus而陷入兩難嘅Eileen,就疊埋心水揀定Argus,食pancake又大玩空中瑜伽兼腳底按摩,節目豐富。按摩期間Argus亦問Eileen前度有冇幫佢按摩,Eileen即一度流露失落樣,一臉心痛嘅Argus即刻自動請纓話:「你頭先幫我按摩個頭,我遲啲幫你按番吖。」又喺訪問環節直表心跡自薦:「佢話佢EX幫佢按摩, 一分鐘就會話好攰。如果係我,我可以做得更好。」又坦認同Eileen影相留念時,對望有「過電」感覺,到底佢哋係咪傳說中嘅真情侶,定係Kyle同Zaza會「驚爆」 跑出?記得留意星期一至五晚22:30 J2 《CP訓練營》。

《愛.回家》譚道德嫁女!陳榮峻收親家聘書超開心 女兒移居新西蘭任護士

陳榮峻憑TVB處境劇《愛.回家之開心速遞》飾演「譚道德」成功入屋,陳榮峻噚日喺IG貼出一張疑似係親家提親嘅聘書,公佈愛女即將結婚呢個喜訊。

陳榮峻兒子頴聰貼出家庭合照。
陳榮峻今日喺IG貼出嫁女相。

聘書見親家大讚陳榮峻女兒頴儀(Jessica),陳榮峻收到親家嘅誠意,表示超開心,感覺女家備受尊重,估唔到今時今日仲有傳統禮儀!
陳榮峻噚日喺IG貼出一張疑似係親家提親嘅聘書。

陳榮峻今日喺IG貼出嫁女相,原來愛女於奧克蘭嘅St. Patrick's Cathedral舉行神聖婚禮,呢間大教堂係奧克蘭市天主教堂,以哥德復興式建築,建立於1841年為奧克蘭最迷人嘅建築之一。

陳榮峻帶愛女進場,佢笑問:「嗰造型似唔似新郎哥。」陳榮峻與吳香倫於2015年拍拖,2018年結婚,陳榮峻仔女亦接受吳香倫呢位繼母。

陳榮峻早年與圈外妻子鄭安麗結婚,育有兩子一女。鄭安麗於2010年因腦溢血離世,陳榮峻難走出喪妻之痛曾欲輕生,幸有好友開解走出陰霾,陳榮峻與吳香倫於2015年拍拖,2018年結婚在四代同堂見證下再為人夫,仔女亦接受吳香倫呢位繼母,陳榮峻曾透露阿女中學時已前往新西蘭留學,目前喺當地任職護士。 
陳榮峻曾透露阿女中學時已前往新西蘭留學,目前喺當地任職護士。

 相關推薦

熱門搜尋