張敬軒米雪携手拍廣告互戴高帽成對方Fans

娛樂新聞

2022-11-17 17:30

近年嚟廣告冇停手嘅張敬軒近日同米雪一齊為健康產品拍攝新廣告，呢日佢哋齊齊現身宣傳活動唔止老友鬼鬼，仲係咁互笠高帽，米雪姐仲跟足大家稱為拍檔做軒公，搞到佢話自己唔敢當呀。

除咗今次廣告之外，軒公又話希望可以有機會同米雪姐再次合作，仲話密謀製作一個MV咁話呀。即將盲要閉關為跨年聖誕演唱會準備嘅佢又話，表演會以全新面貌同大家見面，軒公仲預告會有好多快歌，而安全性上就會更加嚴謹，又會加強高質音響器材等大家盡收視聽之娛呀。

八木莉可子拍廣告造型有趣外星人闖家中嚇壞賀來賢人

娛樂新聞

2023-06-08 10:30

當年只得6歲已經因為拍攝廣告而備受注目嘅日本女星八木莉可子，多年來都喺唔同廣告商之間大受歡迎，呢日佢就同賀來賢人拍攝新廣告，睇佢嘅造型打扮已經夠晒有趣喇，扮演外星人嘅佢喺廣告中仲嚇親拍檔呀。

雖然佢本人都覺得呢次造型夠晒突出，不過拍攝時就因為高度僭建嘅髮型而要非常小心喇。突然被外星人嚇醒嘅賀來賢人，仲提到如果有機會，自己想去夏威夷賣班戟，因為貪當地可以隨意去滑浪咁話。而八木莉可子就希望可以喺書店工作，因為可以沉浸喺書海當中呀。