《正義迴廊》高收辦慶功宴 刪減未曝光片段有望公開

以重大案件審訊為題材帶出人性嘅電影《正義迴廊》，上映以來口碑甚佳，票房突破1700萬，呢日電影公司就舉辦慶功宴慰勞台前幕後喇。而導演曾經話如果票房諱到2千萬，就會公開刪減片段，有份演出嘅 蘇玉華 同 林海峰 就話原版電影長達5小時，所以如果真係公開就有大把精彩片段咁話，阿Jan仲話希望謝票可以去到英國同其他上映國家同觀眾見面喇。

呢兩位辯護大律師嘅演出受到唔少觀眾讚賞，而阿蘇亦都同老公 潘燦良 先後兩次入場欣賞，之後仲齊齊討論當中嘅演出同細節。至於監製 翁子光 早前就公開感謝神秘人K先生借出100萬作資金，電影先能夠拍成，而演員間就一樣話唔知K先生身份誰屬喇。

主角 麥沛東 同 楊偉倫 嘅表現一樣可圈可點，而佢哋嘅對白亦成為觀眾熱話，仲有人認為佢哋有望攞獎，呢日佢哋就希望可以獲得肯定，為一眾新演員爭出更多表演機會喇。