台慶迫在眉睫加緊綵排 《愛.回家》X《聲夢》聯乘演出

眨吓眼仲有幾日就係55周年台慶,近日已經同大家睇過各個唔同環節嘅綵排情況,而呢日《愛.回家之開心速遞》嘅演員,就同《聲夢傳奇》嘅畢業生一齊排舞,為其中一個處境劇環節表演準備喇。

Yumi鍾柔美就話佢哋嘅表演會結合歌舞同演戲,而阿Rock何晉樂仲話會同極有份量嘅前輩一齊合作演出,仲會串連多年嚟大家過目不忘嘅處境劇呀。Sherman潘靜文同Felix林智樂,仲話當中現身嘅前輩大家都已經好耐冇見,所以到時一定要好好留意呀。

而《愛.回家》嘅各位成員,喺趕工拍完當日戲份之後就加入綵排,單立文同湯盈盈呢一對冇時停嘅,就接受訪問都繼續整古做怪喇,而KC區瑞偉仲話自己同劇中一樣要負責監視大家有冇偷懶咁話。

至於熊家三姊妹 滕麗名 呂慧儀 同 蘇韻姿 就話要憑熱血令呢個環節更為吸引,不過舞步就考起佢哋,所以要更加努力練習呀。

另一邊廂,樊亦敏就帶埋一大班港姐師妹參與《Beauty and the Beat》,同一班舞林高手男同事合作,Amy姐仲代表大家話要以自信同魅力為大家表演咁話喎。呢日莊思明都有現身,仲回應近日宣佈離婚嘅家姐莊鍶敏嘅近況,更加話會支持家姐嘅決定,亦提到男友楊明嘅情況呀。

 相關推薦