[電影泉攻略] 泉叔每周精選心水猛片 花絮加專訪全天候供應
第59屆金馬獎頒獎典禮將於11月19日舉行,由鄭保瑞執導嘅《智齒》入圍14個獎,成為提名之冠,林家棟同劉雅瑟分別加入激烈嘅影帝影后之爭,《智齒》林家棟與《一家子兒咕咕叫》游安順角逐影帝,黃秋生今年亦憑《白日青春》第3度挑戰金馬影帝寶座,競爭激烈,而劉雅瑟之前榮封香港金像獎影后,可否再下一城就拭目以待。
電影推介有鄭秀文同馮德倫主演嘅《世間有她》探討女性喺疫情下嘅遭遇,與家人及伴侶相處嘅改變;電影《幪面超人REVICE×暴太郎戰隊THE MOVIE》講述五十嵐家族嘅輕鬆家族之旅,卻遇到神秘組織劫機事件,為咗拯救父母同機上乘客,五十嵐三兄妹趕往禁斷之地。
《記憶‧復仇》講患有腦退化症嘅退役老兵,日治時期失去全家,佢希望喺失去所有記憶之前,實現策劃60年嘅復仇大計,捲入連串殺人事件;新片《神速鬼攻隊》由《出貓特攻隊》團隊炮製嘅喜劇電影,講述頂級競技疊杯選手嘅故事。
電影《她說》由畢彼特監製,改編Harvey Weinstein荷里活性侵醜聞,引爆 #Metoo 運動;由爾冬陞執導《海的盡頭是草原》描述一個細佬60年後尋找胞姊之旅,幾經波折成功重聚;香港愛情喜劇電影《忽然心動》講4對男女同時喺情人節前夕遇到感情難題。
本周票房第三位係黃子華主演《飯戲攻心》、第二位係取材自2013年「大角咀肢解父母案」嘅電影《正義迴廊》,第一位漫威新片《黑豹2:瓦干達萬歲》奪得,穩坐冠軍寶座。
登入後即可查看我的收藏
登入後即可查看瀏覽記錄