[電影泉攻略]《智齒》金馬入圍14項 林家棟與游安順角爭影帝丨EP25

[電影泉攻略]《智齒》金馬入圍14項 林家棟與游安順角爭影帝丨EP25

[電影泉攻略] 泉叔每周精選心水猛片 花絮加專訪全天候供應

第59屆金馬獎頒獎典禮將於11月19日舉行,由鄭保瑞執導嘅《智齒》入圍14個獎,成為提名之冠,林家棟同劉雅瑟分別加入激烈嘅影帝影后之爭,《智齒》林家棟與《一家子兒咕咕叫》游安順角逐影帝,黃秋生今年亦憑《白日青春》第3度挑戰金馬影帝寶座,競爭激烈,而劉雅瑟之前榮封香港金像獎影后,可否再下一城就拭目以待。

電影推介有鄭秀文同馮德倫主演嘅《世間有她》探討女性喺疫情下嘅遭遇,與家人及伴侶相處嘅改變;電影《幪面超人REVICE×暴太郎戰隊THE MOVIE》講述五十嵐家族嘅輕鬆家族之旅,卻遇到神秘組織劫機事件,為咗拯救父母同機上乘客,五十嵐三兄妹趕往禁斷之地。

《記憶‧復仇》講患有腦退化症嘅退役老兵,日治時期失去全家,佢希望喺失去所有記憶之前,實現策劃60年嘅復仇大計,捲入連串殺人事件;新片《神速鬼攻隊》由《出貓特攻隊》團隊炮製嘅喜劇電影,講述頂級競技疊杯選手嘅故事。

電影《她說》由畢彼特監製,改編Harvey Weinstein荷里活性侵醜聞,引爆 #Metoo 運動;由爾冬陞執導《海的盡頭是草原》描述一個細佬60年後尋找胞姊之旅,幾經波折成功重聚;香港愛情喜劇電影《忽然心動》講4對男女同時喺情人節前夕遇到感情難題。

本周票房第三位係黃子華主演《飯戲攻心》、第二位係取材自2013年「大角咀肢解父母案」嘅電影《正義迴廊》,第一位漫威新片《黑豹2:瓦干達萬歲》奪得,穩坐冠軍寶座。

電影泉攻略|賈玲笑言拍新片唔到人親自演出 為自己成功瘦身操肌驕傲丨EP95

王鎮泉 Jeoffrey 每星期為你提供最熱辣電影資訊,中外猛片專訪花絮上映時間全部集齊。「電影泉攻略」每周四買定爆谷陪你睇新戲。

電影《熱辣滾燙》喺內地直逼40億人民幣票房,成為內地賀歲賣座No1,泉叔 早前就同 女主角兼導演 賈玲 做咗個訪問。 賈玲上一部自導自演嘅電影《你好,李焕英》係拍嚟獻畀媽媽,至於今次呢部作品,佢就話希望大家睇完之後會學識愛自己。

為咗戲中角色,賈玲先增肥再邊拍邊減,問到點解會決定親身演出呢個角色?賈玲笑言因為搵唔到其他人演:「因為這個角色其實挑戰特別大,我決定自己來出演,是因為我自己的形象比較接近這個人物。」佢仲自爆自己以前體重有成170斤,後來更增磅至最重時有210斤,賈玲話自己增磅嘅原因,係自己係觀眾心目中普遍比較受人喜歡,但今次演嘅角色係較沉重同壓抑,所以先決定增磅嚟改變觀眾嘅感覺。

戲中有一場瘦身後嘅賈玲練出腹肌,當時佢更加忍唔住落淚,賈玲解釋當下係為自己感到驕傲而落下嘅驕傲淚水,佢仲話當時自己要返休息室平伏心情,但因為驚喊花個妝而耽誤拍攝進度,所以連喊都要低頭唔畀淚水劃過塊面呀!

 相關推薦

熱門搜尋