為咗今晚嘅台慶演出，全台藝員都密鑼緊鼓咁進行綵排，呢日錄影廠就集合咗老中青三代藝員，為一個歌舞演出進行排練，要唱歌之餘Shaun譚俊彥仲要彈結他，佢就話如果單係唱歌＋結他自己完全冇問題，但係而家要廣東、國語接住唱，再加上彈埋結他，Shaun就話自己個腦轉唔切，加上和音又有英文同法文，所以佢綵排時都好混亂。而英文好過廣東話嘅謝嘉怡，就話唱起歌嚟反而覺得廣東話會易啲呀。

係表現環節份面，仲有Moon劉佩玥表示Rap，佢就話成件事好好玩，至於江嘉敏就話自己畀跳舞部分難倒，佢仲話當初經理人同佢講環跳舞時，仲以為對方搵錯咗「嘉敏」，因為佢話公司有好幾個「嘉敏」跳舞都好勁，唯獨佢呢個嘉敏就喺唱歌跳舞方面要再努力呀！

郭柏姸喺表現入面亦獻出自己第一次Rap，而在旁嘅林秀怡就話自己喺公司第14年，今年係首次參與公司嘅表演呀！

雖然要又跳又唱，但對於Dancer出身、前輩級人馬韓馬利嚟講完全冇難度，佢仲同林漪娸、黎燕珊、謝雪心、馬蹄露組成女團呀！

呢日參予綵排嘅仲有王梓軒，佢透露原來早前原幸中招，康復後先首次加入團隊排練。

另外，最近好hit嘅《中年好聲音》，其中幾位參賽者李思林、何弘軒同楊詠珊都有份參予呢次表演呀！

全新遊戲節目《濠玩夏水禮》今晚首播， 林盛斌 同 金剛 會帶領一班藝人，到澳門體驗最新水上設施，盡情濕身大比拼！首集成員包括有「喪玩隊」嘅Bob 何浩文 蘇韻姿 關楓馨 陳婉衡 ，決戰「好玩隊」嘅金剛 周志康 余思霆 林秀怡 同 邵初 ，一眾女神齊齊以水着上陣，大晒美好身段，而何浩文同周志康亦唔執輸大騷結實Body。

首個遊戲「狂野記憶」已經非常過癮，隊員坐上「光速飛車」瀡滑梯期間，要記住沿途出現過嘅答案，答中最多問題嘅一隊獲勝。大隻仔何浩文原來得個殼，瀡滑梯期間竟然驚到全程合上雙眼兼高八度奪命狂呼，沿途所有答案全部錯失。

何浩文恰蔡潔就叻，原來係細膽仔一名

而之後嘅「Shake Shake 浮床」同樣好玩，玩法係一名隊員瞓上浮床，另一隊隊員要出盡力 搖對方落床，停留喺浮床最耐嘅一隊就勝出。而出名玩得嘅邵初就以驚人 「破冰轉身」神技留喺浮床足足17秒，蘇韻姿則以優秀平衡力力抗邵初。至於關楓馨就1秒瞬即跌落水，認真水皮。

邵初嘅平衡力原來非常驚人，仲識奇招避落水

「吸濕大作戰」就係全晚焦點所在，玩法係各隊派出一位隊員身穿t-shirt，由其他隊員瘋狂潑水，之後被潑隊員除低T-shirt扭出水份，扭出較多水嘅一隊勝出。有料之人思霆同陳婉衡分別出戰做「吸水寶寶」，其間陳婉衡不斷濕身除衫無限Loop，又出盡力狂扭T-shirt，十分落力，以吊帶比堅尼上陣嘅思霆就歎慢版，但由於畫面唯美，Bob爭住霸靚位一睹思霆風姿，睇唔過眼嘅金剛即向Bob潑水，仲話：「你有老婆小朋友㗎！」場面搞笑。

阿Bob霸定靚位睇得咁開心，唔知今晚節目播出後阿林太會點罰佢呢？

《濠玩夏水禮》今晚 21:00 翡翠台