超能使者|阿鏈家逢巨變精神有異 展鵬演繹大上大落難抽離

超能使者|阿鏈家逢巨變精神有異 展鵬演繹大上大落難抽離

台慶劇《超能使者》劇情大反轉,當中阿鏈 陳展鵬 飾)同人設大變嘅賢妻淑敏 劉佩玥 Moon  飾)嘅情況終於曝光,劇情亦由本來嘅輕鬆搞笑、溫情感動一轉成為「驚慄懸疑」。發現阿鏈精神有異嘅Q姨  唐詩詠 飾)幾經追查後,終於發現新線索,原來淑敏早已去世3年、而鏈母金娣 程可為 飾)亦因患上腦退化症早已入住護老院,一家四口仍然幸福生活嘅畫面,原來都係受盡打擊嘅阿鏈幻想出嚟,其間淑敏情夫Stanley 郭子豪 飾)仲一再傳來同淑敏嘅親密照,令阿鏈病情更趨惡化

而噚晚一集尾聲,阿鏈為免自己忍唔住殺「老婆」選擇跳樓輕生,但係就禍及趕往勸阻嘅Q姨,二人雙雙從高處墮下,其間仲意外治好阿鏈嘅精神病。最終身受重傷嘅Q姨拼盡最後一口氣、以「治癒奇能」 超能力救返阿鏈,阿鏈雖然保命兼回復清醒,但係就驚見Q姨已返魂乏術,不過喺呼天搶地一刻,時間奇蹟地倒流至Q姨墮地前數秒,阿鏈及時將浮喺半空嘅Q姨抱緊,成功令對方「死過翻生」!

阿鏈緊張關頭令Q姨起死回生

劇情峰迴路轉超乎想像,唔少觀眾都驚嘆劇情夠創意亦出乎意料,而展鵬精神錯亂下一時見到愛妻賢淑美貌、一時又發現全家眨眼消失,不斷受刺激嘅佢失控大叫,連兩隻眼珠方向都都走位。

「目擊」老婆同情夫床上纏綿,又嬲到擸刀兼雙眼紅筋盡現,睇到觀眾嘩嘩聲。而原來演繹「阿鏈」一角壓力之大,令展鵬坦言從未試過拍戲拍到幾乎崩潰要「逃走」,佢話:「有幾場戲我拍完要走出去,好似有密室恐懼咁,直頭演到唔舒服想嘔。記得擸刀嗰場,我要唞一個鐘 先可以返去繼續拍,好感激同事體諒。嗰段時間都影響到生活,不嬲我條『污水渠』幾暢通,平時收工情緒都OK,但演呢個角色就塞塞哋、抽離唔到,拍思覺失調嗰幾日返去係瞓唔到。」

展鵬拍《超能》使者情緒大起大落受盡苦頭

佢又話由於角色情緒極端,最大難度係拍完失常戲後、又要即時轉換心情拍搞笑戲,所以認為《超能》係從影以來花最多心力拍攝嘅劇集。對於近日人人競猜到底Final Boss誰屬, 有觀眾就估貪錢嘅阿鏈最終會「變節」,展鵬就笑笑口話:「一個人去到咁偏鋒就咩都有可能, 嚟緊阿鏈經歷谷底後仲會有個大逆轉!」

逆天奇案2|金牌監製劉家豪率眾演員為榮休作宣傳 劉佩玥向觀眾拋線索破身份之謎

TVB新劇《逆天奇案2》即將喺下周一(1號)晚8點半首播,宣布7月榮休嘅金牌監製劉家豪率領陳展鵬、馮盈盈、黃智賢、蔣祖曼、張頴康及劉佩玥(Moon)等一眾演員現身商場進行宣傳。《逆天奇案》收視叫好叫座,所以將《逆天2》視為收山作嘅家豪哥好有壓力,仲話繼承上輯精神,扭盡六壬令觀眾追住睇。展鵬透露劇情將更加精彩,節奏仍然緊湊刺激。

家豪哥入行多年創作過唔少經典作品,即將要退下火線,當然會有不捨心情。所以家豪哥都話一家四口呢次會喺劇中出現以作紀念。家豪哥更喺結局埋下彩蛋,預告林夏薇嘅一句對白係自己向天下有情人講嘅一句話添!

至於講到退休生活,家豪哥就會同老婆梅小青展開郵輪旅行渡假,佢哋因唔捨得一對孫仔,所以佢哋決定分段式旅行,家豪哥亦期待日後弄孫為樂嘅生活。

阿Moon同張頴康呢對反派夫妻喺上一輯收穫唔少觀眾喜愛,雖然阿Moon角色已經死咗,但係佢呢次仍會參與演出。而阿Moon亦向觀眾大拋線索,叫大家用第一輯海報同第二輯做對比,喺眼神同服飾上可以搵到解謎答案。蔣祖曼同黃智賢雖然繼續做一對,但二人感情就遇到唔少危機,更有「最強第三者」出現!

《逆天奇案2》周一至五晚8點半翡翠台播出

 相關推薦

熱門搜尋