[多圖]疫後首隊訪港韓團 Super Junior亞博開騷

[多圖]疫後首隊訪港韓團 Super Junior亞博開騷

疫情持續良久,莫講話餓旅行餓足幾年,就連唔少國際巨星嘅演唱會都因而取消或者無限次延期。久等三年之後,終於再有韓國組合來港開騷,SUPER JUNIOR日前再次訪港,19號晚喺亞洲國際博覽館舉行一連兩場《SUPER JUNIOR WORLD TOUR – SUPER SHOW 9 : ROAD IN HONG KONG》。

近年都係靠韓綜見到嘅SJ成員,喺現場歌迷震耳歡呼之下,Leeteuk利特,Yesung藝聲,Shindong神童,Donghae李東海, Eunhyuk銀赫,Siwon崔始源,Kyuhyun圭賢同Ryeowook金厲旭,先以《Burn the Floor 》一曲展開序幕表演用歌聲震爆場館,又大玩手燈舞。

Super Junior重臨香港

緊接嘅《The Crown》、《Super》、《Mr.Simple》、《Ticky Tocky》、《Paradox》、《Mystery》等歌曲, 又跳又唱近七首歌Medley,全場歌迷亦以手燈配合音樂節拍應援打氣,以熱烈歡呼聲迎接一首又一首勁歌熱舞,Fans們又不時全場大合唱,更同SJ一齊載歌載舞,場面熱烈。


經過兩日隔離檢疫之後,成員精神都非常唔錯
神童之後又用廣東話同現場歌迷打招呼:「您好大家好」,「弟弟、哥哥、妹妹、姐姐,我是神童!」之後又話,「好耐好耐先再嚟到香港,大家真係非常之熱烈,希望直至到最後一刻大家都enjoy,大家識聽韓文?我愛你呀!」

之後東海接棒,出口術大讚歌迷靚女 : 「真係事隔好耐見大家,大家近來好嗎?大家更加靚女咗喎,係咪近排戀愛緊呀?我真係好掛住大家,噚日隔離嘅時間,我搵返以前喺香港舉辦嘅Super Show,今日我都預計大家比我嘅愛都會係咁(熱烈),好期待大家俾多啲愛我,我準備咗啲禮物!」然後大力送上飛吻,令歌迷興奮尖叫。

面對餓騷已久嘅香港歌迷,SJ成員出盡混身解數演出

而勵旭就問歌迷,「我想比大家睇到我剪咗頭髮靚唔靚仔啊?我靚唔靚啫?」現場歌迷即大叫「靚!」崔始源則話 :「我好想好想你們」「大家好我係崔始源,好掛住你哋!」然後不停用手俾心心,令全場又再陷入瘋狂。始源又話:「我有練習㗎,我都收到消息,自從疫情之後我哋係咪第一個海外歌手來香港演出嘅?非常非常感謝香港,好多謝大家等我哋咁耐,我哋會做更加好嘅演出俾大家睇!」

而隊長利特就指因為隔離關係,佢哋喺酒店休息足足兩日,「今日我哋嘅member體力非常之好,我哋喺酒店住咗兩晚咩都冇做,你知唔知呢兩日,香港嘅天氣如何我都唔知呀,聽講話熱我都唔覺得。」

 
而表演到中段時,成員就開始整蠱始源,問佢點解今次表演唔除衫?始源就笑道:「我今日完咗之後唔食飯!再想想....」成員就追問係咪第二場會派福利,佢就話:「我哋係咪合約簽明我要除架?」神童仲去揭起始源嘅上衣,即引全場哄動。

《愛.回家》譚道德嫁女!陳榮峻收親家聘書超開心 女兒移居新西蘭任護士

陳榮峻憑TVB處境劇《愛.回家之開心速遞》飾演「譚道德」成功入屋,陳榮峻噚日喺IG貼出一張疑似係親家提親嘅聘書,公佈愛女即將結婚呢個喜訊。

陳榮峻兒子頴聰貼出家庭合照。
陳榮峻今日喺IG貼出嫁女相。

聘書見親家大讚陳榮峻女兒頴儀(Jessica),陳榮峻收到親家嘅誠意,表示超開心,感覺女家備受尊重,估唔到今時今日仲有傳統禮儀!
陳榮峻噚日喺IG貼出一張疑似係親家提親嘅聘書。

陳榮峻今日喺IG貼出嫁女相,原來愛女於奧克蘭嘅St. Patrick's Cathedral舉行神聖婚禮,呢間大教堂係奧克蘭市天主教堂,以哥德復興式建築,建立於1841年為奧克蘭最迷人嘅建築之一。

陳榮峻帶愛女進場,佢笑問:「嗰造型似唔似新郎哥。」陳榮峻與吳香倫於2015年拍拖,2018年結婚,陳榮峻仔女亦接受吳香倫呢位繼母。

陳榮峻早年與圈外妻子鄭安麗結婚,育有兩子一女。鄭安麗於2010年因腦溢血離世,陳榮峻難走出喪妻之痛曾欲輕生,幸有好友開解走出陰霾,陳榮峻與吳香倫於2015年拍拖,2018年結婚在四代同堂見證下再為人夫,仔女亦接受吳香倫呢位繼母,陳榮峻曾透露阿女中學時已前往新西蘭留學,目前喺當地任職護士。 
陳榮峻曾透露阿女中學時已前往新西蘭留學,目前喺當地任職護士。

 相關推薦

熱門搜尋