因為疫情停辦一段時間嘅公益金百萬行終於再復辦,呢日仲喺下個月就會通車嘅將軍澳距灣大橋到舉行,而TVB就派出四位應屆香港小姐,仲有20位《中年好聲音》參賽代表同 肥媽 安德尊 仲有帶埋小朋友一齊身體力行嘅 車婉婉 一齊出席喇。雖然星期六晚出席台慶去到深夜,不過經常為慈善出力嘅港姐代表就話休息時間少啲都完全冇問題,仲話好開心有機會可以率先欣賞吓呢條新建嘅大橋咁話喎。