炎明熹為新歌MV遊走香港景點 一部菲林相機考起佢

Gigi炎明熹早前為新歌《好想約你》拍攝MV,佢話歌曲描述了不同的「情」,好似親情、愛情、男女次情同離別之情等,滿滿嘅人情味令佢非常鍾意。MV入而Gigi以一個紀錄者嘅身份登場,佢拎住舊式菲林相機記錄唔同嘅情景,好似搭船時見到嘅維港美景、男女離別嘅場景、長輩視像喺外國孫仔嘅情景等。
Gigi似自己觀光多過似拍MVGigi似自己觀光多過似拍MV
雖然聽起嚟畫面好似會有啲感動,但其實鏡頭後Gigi就有件笑料發生咗!千禧後嘅Gigi唔太識用有啲歷史嘅菲林相機,所以起初佢拎住嚟扮影相嘅時候,手勢完全錯晒,不過好在Gigi夠醒目,一邊拍一邊學現場嘅攝影師點揸機,最終成功過關。

使用菲林相機技能get!使用菲林相機技能get!

今次MV遊走咗唔少具香港歷史嘅地方,好似天星小輪、中環石板街、西環石牆樹等等,Gigi話平日除咗工之外,自己甚少會去香港區閒逛,所以今次趁拍攝MV嘅機會,令Gigi可以寓工作於娛樂,走入小巷感受一下不同嘅社區。
中環石板街中環石板街純粹畀多張靚相畀大家睇。純粹畀多張靚相畀大家睇。

 相關推薦