開心無敵獎門人丨JW玩遊戲搏到盡 劉穎鏇自爆早餐要食咸魚

每個星期日準時放笑彈嘅《開心無敵獎門人》，啱啱播出嘅一集有「超能使者」隊嘅陳山聰、劉佩玥、劉穎鏇、張 國強、林子善同楊卓娜，對戰「Poker」隊嘅Eric Kwok、方力申、JW王灝兒、 劉浩龍、陳欣茵同黃紫恩。

玩親遊戲都100%投入嘅JW，玩第一個game「開心無敵估嘢食」時已經去到盡，完全唔顧儀態對所有食物「飛擒大咬」，之後仲激動到成個人跌喺地，埸面搞笑。而Tiffany劉穎鏇呢巴就成為「笑料」擔當，負責估嘢食嘅佢，聽到食完乳酪嘅山聰，形容所食嘅嘢係「西式早餐經常食到嘅食物」時，Tiffany竟然話係鹹魚，令全場人頓時黑人問號。

去到玩「口不對心」環節時，小方因為秒輸而趴地遮醜，又自辯係因為中招後遺症「腦霧」所致，而未錯中招冇後遺症嘅子善，上場時同樣都係秒輸，所以最後兩位 「秒輸男」就上演一場最「渣」決戰！對決前小方仲豪言話輸咗嗰隊要每人食兩個「辣辣壽桃」，最終落敗嘅子善當然被罰食辣壽桃，而為咗止辣佢竟然耍起功夫起嚟，相當騎呢。節目入面仲有好多爆笑位，例如玩大電視玩到扮錫錫又瞓晒地、彈遮遮環節大家都放咗治療拎洗頭水直接洗頭等。

《開心無敵獎門人》逢星期日 20:30 翡翠台