StarTalk丨《CP訓練營》成員剖白 Michelle爆Kyle、Gillian關係唔簡單

正在使用小窗口模式播放

StarTalk丨《CP訓練營》成員剖白 Michelle爆Kyle、Gillian關係唔簡單

加載中...

戀愛真人騷《CP訓練營》引起唔少話題,呢日導師Winki 賴慰玲,就同其中買位參加者 Jaxson黃潤祺 、Michelle葉靖儀、 Kyle李爾晨 同埋 Gillian伍倩彤 上到嚟《StarTalk》同詹可琳偈下,參加呢個節目嘅原因同得着。

Jaxson話最初睇到呢個節目嘅時候,見到又可以做戲又可以識到女仔,所以覺得好啱自己參加,而Michelle就話自己一直都係戀愛真人騷嘅fans,所以當知道J2有《CP訓練營》呢個節目嘅時候,就覺得要報名參加,當然另一個原因都係想識下男仔啦!Kyle就話自己係抱住求證嘅心態嚟參加,想睇下呢類真人騷有冇做假、冇冇劇本去跟,佢就話而家親身求證完,證實一切都係真嘅。Gillian同樣都係睇開外國嘅戀綜,當佢見到香港都有呢類戀綜時,就二話不說要報名喇,Gillian仲坦言自己係個表裏不一嘅女仔,所以好想透過呢個節目嚟畀大家認識自己呀。

問到導師Winki覺得呢班CP嘅表現?佢說話覺得呢8位參加者真係好青春,認識咗幾個鐘佢哋已經好似好friend咁,Winki又爆去到節目嘅中尾段,睇到有啲CP嘅關係開始起變化,大家都變得唔似再係純友誼,Winki仲話直到今日節目已經拍完一段時間,但再次見返呢8位參加者,Winki話仍然覺得仍哋嘅關係唔簡單。

而Kyle就分享咗喺節目入面一件尷尬事,佢話好多朋友都同佢講,可以同到Michelle、Gillian兩個靚女一齊浸浴係艷福不淺,但Kyle就叫大家想像一下,你同前女友一齊浸浴已經夠尷尬,而當你哋浸緊嘅時候,你有好感嘅女仔再加入埋,個場面有幾尷尬大家應該都會想像到。而Michelle就爆話當時同Kyle、Gillian一齊浸浴嗰陣,覺得自己就好似一個巨型電燈膽咁,又話齋聽佢兩個嘅對話都覺得Kyle同Gillian有啲嘢呀!

 相關推薦