近年旅居泰國嘅粵語片年代知名女星嘉玲，21號喺睡夢中離世，享年87歲。

嘉玲原名何佩英，上世紀50年代考入電影公司加入電影圈，同謝賢身為同學，一出道就可以話一鳴驚人，短短十多年從影生涯拍攝過多部作品，到60年代後期息影，後來嫁予泰國華僑姚武麟同時移居當地。

據指嘉玲近年健康轉差，佢嘅契女郭秀雲發稿向外界公佈消息，昨晨接獲噩耗之後，希望盡快趕到泰國慰問契爺，同送別契媽最後一程。

嘉玲與老公現身在1981年香港第五屆金唱片頒獎典禮，頒獎予汪明荃

郭秀雲心情難過，佢話：「照顧佢嘅護士半夜發現佢喺睡夢中離世，當時契爺瞓緊覺，亦立即通知身在紐西蘭嘅契姐(嘉玲二女)，我未聯絡到契爺。因為疫情近幾年佢嘅身體大不如前，好彩契哥(二兒子)喺屋企陪伴，我會盡快趕到泰國慰問契爺。」

嘉玲婚後隨夫定居泰國，但不時會回港與朋友見面

佢又透露契媽係因慢性阻塞性肺疾病離世：「契媽近年身體一直轉差，最後一次見佢係2019年，因為我同契爺契媽都係12月生日，嗰次專程去泰國同佢哋慶祝， 契媽覺得自己唔似以前靈活好少出街，平時鍾意喺屋企睇劇集，但係佢好鍚我，仲同我出去食飯心情非常好！可惜疫情呢幾年都去唔到探望。原本計劃12月再去泰國一起慶祝生日， 估唔到契媽先走一步，好難過，其實契姐(大女兒)去年已去世。」

郭秀雲驚聞契媽嘉玲病逝

郭秀雲自細已成為嘉玲契女，而嘉玲又巧合地係佢奶奶(龐傑母親)嘅契女，佢憶述呢位高貴優雅嘅契媽時話：「契媽係唔多逍嘢嘅人，但佢好錫我，好鍾意同我傾做人道理，點照顧老公，遇到困難怎樣處理，佢做過幕前有好多心聲分享，令我獲益良多。我結婚時佢送咗一隻泰國古董手鈪俾我，泰國人送女出嫁都有呢種傳統，契媽結婚時都收過奶奶嘅禮物，今次去泰國我都會戴住佢。」
嘉玲與四哥謝賢非常好朋友，同期出道更成為螢幕情侶

泰國政府表示過去近五個月，接待100萬人次中國旅客入境。

相當於去年全年的三倍幾，當局預期今年到泰國旅遊的中國遊客可達到目標的500萬人次，消費額超過130億美元。

政府發言人表示，由一月至本月中，入境的外國遊客達到947萬，接近去年全年入境旅客人數。旅遊業是泰國的主要經濟命脈，受新冠疫情封關影響，令旅遊業陷入冰封，全國一度有約600萬人失業。