一代粵語片女星嘉玲病逝 享年87歲

一代粵語片女星嘉玲病逝 享年87歲

近年旅居泰國嘅粵語片年代知名女星嘉玲,21號喺睡夢中離世,享年87歲。

嘉玲原名何佩英,上世紀50年代考入電影公司加入電影圈,同謝賢身為同學,一出道就可以話一鳴驚人,短短十多年從影生涯拍攝過多部作品,到60年代後期息影,後來嫁予泰國華僑姚武麟同時移居當地。

據指嘉玲近年健康轉差,佢嘅契女郭秀雲發稿向外界公佈消息,昨晨接獲噩耗之後,希望盡快趕到泰國慰問契爺,同送別契媽最後一程。

嘉玲與老公現身在1981年香港第五屆金唱片頒獎典禮,頒獎予汪明荃

郭秀雲心情難過,佢話:「照顧佢嘅護士半夜發現佢喺睡夢中離世,當時契爺瞓緊覺,亦立即通知身在紐西蘭嘅契姐(嘉玲二女),我未聯絡到契爺。因為疫情近幾年佢嘅身體大不如前,好彩契哥(二兒子)喺屋企陪伴,我會盡快趕到泰國慰問契爺。」

嘉玲婚後隨夫定居泰國,但不時會回港與朋友見面

佢又透露契媽係因慢性阻塞性肺疾病離世:「契媽近年身體一直轉差,最後一次見佢係2019年,因為我同契爺契媽都係12月生日,嗰次專程去泰國同佢哋慶祝, 契媽覺得自己唔似以前靈活好少出街,平時鍾意喺屋企睇劇集,但係佢好鍚我,仲同我出去食飯心情非常好!可惜疫情呢幾年都去唔到探望。原本計劃12月再去泰國一起慶祝生日, 估唔到契媽先走一步,好難過,其實契姐(大女兒)去年已去世。」

郭秀雲驚聞契媽嘉玲病逝

郭秀雲自細已成為嘉玲契女,而嘉玲又巧合地係佢奶奶(龐傑母親)嘅契女,佢憶述呢位高貴優雅嘅契媽時話:「契媽係唔多逍嘢嘅人,但佢好錫我,好鍾意同我傾做人道理,點照顧老公,遇到困難怎樣處理,佢做過幕前有好多心聲分享,令我獲益良多。我結婚時佢送咗一隻泰國古董手鈪俾我,泰國人送女出嫁都有呢種傳統,契媽結婚時都收過奶奶嘅禮物,今次去泰國我都會戴住佢。」
嘉玲與四哥謝賢非常好朋友,同期出道更成為螢幕情侶

黎明詩病逝|關寶慧聞好友離世非常愕然:明明見到你康復的

九十年代玉女歌手黎明詩(Stephanie)已淡出幕前多年,今日(28日)突然傳在睡夢中病逝,終年58歲。

黎明詩生前廣結好友緣,關寶慧亦是其中一人。關寶慧今日得知黎明詩傳出離世消息非常愕然,她於社交平台上載昔日與黎明詩的合照,悼念好友:「明明見到你康復的,為何又突然這樣呢?希望你在天堂永遠幸福快樂。」

同時打上多個哭泣emoji以及標示「R.I.P.」、「離苦得樂」和「love you forever」,倍感唏噓。

圖片來源:關寶慧IG

關寶慧聞好友離世非常愕然

 相關推薦

熱門搜尋