法證先鋒V丨鄭俊弘演活專業人士之苦激烈情緒爆發 黃宗澤鼻現離奇紅印?

TVB 55周年台慶劇《法證先鋒V》熱播,由於鄭俊弘(Fred)之前有參與《法證IV》演出,被列為第五輯「元祖」陣容兼備受關注,喺《法證V》演余星柏(黃宗澤飾演)頭號弟子湛霆,工作嚴謹認真,可惜因喺闊太Michelle被殺案中搜漏證物,令PR公司老闆韋建邦(陳少邦飾演)坐冤獄,建邦太太美寶(孫慧雪飾演)期間更意外流產。

Fred個角色因為一時出錯,影響咗之後搜證工作嘅信心。Fred個角色因為一時出錯,影響咗之後搜證工作嘅信心。鄭俊弘因喺闊太Michelle被殺案中搜漏證物,令PR公司老闆韋建邦(陳少邦飾演)坐冤獄。鄭俊弘因喺闊太Michelle被殺案中搜漏證物,令PR公司老闆韋建邦(陳少邦飾演)坐冤獄。

湛霆之前跟進嘅案件鬧上法庭,法證備受千夫所指,自覺愧對師傅及自身專業的湛霆因而信心盡失,劇情更揭出湛霆一直有服食鎮靜劑。

湛霆之前跟進嘅案件鬧上法庭,法證備受千夫所指。湛霆之前跟進嘅案件鬧上法庭,法證備受千夫所指。

噚晚嗰集講Fred數個場口均表現出色,錯愕、自我質疑、內疚及不甘心等唔同情緒演繹到位,尾段星柏帶湛霆去海邊散心,並問湛霆覺得委屈係估唔到自己咁細嘅錯,令到一個人坐咗四個月冤獄,冇咗個小生命,定係因為全世界批判佢,此時抑壓多時的湛霆終爆發並委屈道:「條繩喺飾物盒我點會睇到,個兇手還原咗現場,我又點會知,換轉其他人都唔會知,只係啱啱發生晒喺我身上。」星柏卻冷靜地指出法證就係要搜查出別人唔知道嘅真相,昨晚劇情徹底展現專業人士不為人知嘅苦處及壓力,網民更留言表達對湛霆同情。

聽到建邦太太意外流產,鄭俊弘大受打擊,星柏陪湛霆一齊面對建邦,結果齊齊雙雙被打。聽到建邦太太意外流產,鄭俊弘大受打擊,星柏陪湛霆一齊面對建邦,結果齊齊雙雙被打。

昨晚有眼利網民發現Bosco個鼻驚現離奇紅印,尤其與Fred嘅海灘場口更加明顯,即使戴咗黑超紅印仍清晰可見。求證監製Ben離奇紅印出處,Ben笑謂:「其實係想暗間交代少邦個角色連Bosco都打埋,所以Bosco喺海邊有話自己個鼻仲痛緊。」
Bosco鼻上面嘅紅印,其實係想暗間交代番佢都有畀建邦打。Bosco鼻上面嘅紅印,其實係想暗間交代番佢都有畀建邦打。
Fred受訪時透露原來首兩天開工,便要拍攝與Bosco海邊真情剖白戲,幸好二人順利過關:「第一、二日開工已經要拍情緒戲,當時我同Bosco都未係好熟,未有嗰種信任同關係,但導演就猛話:『你得嘅!』好彩最後OK,Bosco非常好,佢嘅功力令拍攝非常舒服,大家都知道做感情戲個對手好緊要。呢個角色喺第四同第五輯嘅分別好大,希望帶到新鮮感畀觀眾。」

湛霆對住個海將內心嘅冤屈講晒出嚟,仲要邊講邊忍不住落下男兒淚。湛霆對住個海將內心嘅冤屈講晒出嚟,仲要邊講邊忍不住落下男兒淚。

Fred又指好開心能挑戰自己一口氣拍攝咁多Heavy場口:「我好享受準備演呢啲戲嘅過程,係辛苦同唔好受,但作為演員我係鍾意嘅。最主要嘅準備功夫係心情,例如下晝拍唔開心嘅戲,咁就要成朝都要Keep住唔開心,要不斷嘗試代入角色嘅心情,雖然好多都係憑空想像,但會處於一個好唔開心嘅狀態,感覺係辛苦嘅!」
得到師傅星柏嘅鼓勵,湛霆重現笑容。得到師傅星柏嘅鼓勵,湛霆重現笑容。
台慶劇《法證先鋒 V》 逢周一至五晚 8 點半翡翠台播映

 相關推薦